مەملەكەت باسشىسى قاسىم-جومارت توقاەۆتىڭ تٶراعالىعىمەن اتىراۋدا ۇلتتىق قۇرىلتايدىڭ ٷشٸنشٸ وتىرىسى ٶتۋدە. قر پارلامەنت سەناتىنىڭ دەپۋتاتى گەنناديي شيپوۆسكيح مەملەكەت باسشىسىنىڭ سٶزٸن كەلتٸرٸپ, حالىقتىڭ بٸرٸگۋٸن قولدايتىنىن جەتكٸزدٸ.
وتىرىس باستالا سالسىسىمەن مەملەكەت باسشىسىنىڭ مىنا سٶزدەرٸ ەلەڭ ەتكٸزدٸ:
«اشىعىن ايتۋىمىز كەرەك, بٸز تاريحقا كەلگەندە كٶبٸنەسە ەموتسيياعا بەرٸلٸپ كەتەمٸز. ٶتكەن زاماندى ورىنسىز قازبالاۋ جاقسىلىق ەكەلمەيدٸ, ونىڭ پايداسىنان گٶرٸ, زييانى كٶپ. «ٶسپەيتٸن ەلدٸڭ بالاسى ٶنبەيتٸن داۋدى قۋادى» دەپ بەكەر ايتپاعان. ٶتكەن ٸس ٶتتٸ, ەندٸ ونى ەشكٸم ٶزگەرتە المايدى. ۋاقىت ەڭ ەدٸل تٶرەشٸ ەكەنٸن ۇمىتپايىق. بٸزگە بٸتپەيتٸن داۋ-داماي ەمەس, مىزعىماس ىنتىماق پەن بٸرلٸك كەرەك. قازٸرگٸ تاريحي كەزەڭدە حالقىمىزدىڭ سٶزٸ دە, ٸسٸ دە – بٸر بولۋى قاجەت. سوندىقتان زييالى قاۋىم, ەڭ الدىمەن, ەلٸمٸزدٸڭ بٸرلٸگٸن نىعايتۋعا باسا نازار اۋدارعانى جٶن. اعا بۋىن جاس ۇرپاققا جول نۇسقاپ, باعىت-باعدار بەرۋٸ كەرەك.
ەلٸمٸزدە كٶزٸ اشىق, كٶكٸرەگٸ وياۋ, ويى ۇشقىر, بٸلٸمدٸ جاستار كٶپ. بٸز ولاردىڭ بويىنا اسىل قاسيەتتەردٸ سٸڭٸرۋٸمٸز قاجەت. ۇلى ابايدىڭ «بٸرٸڭدٸ قازاق, بٸرٸڭ دوس, كٶرمەسەڭ, ٸستٸڭ بەرٸ – بوس» دەگەن سٶزٸ ەلٸ دە ٶزەكتٸ بولىپ تۇر.
مەن زييالى قاۋىم ٶكٸلدەرٸنٸڭ بٸر-بٸرٸنە ەردايىم تٸلەكتەس بولعانىن قالايمىن. ٶزارا جاناشىر بولۋ, تٷپتەپ كەلگەندە, ەلگە جاناشىر بولۋ دەگەن سٶز. تاعى دا قايتالاپ ايتقىم كەلەدٸ: ۇساق-تٷيەك ەڭگٸمەنٸ قويۋ قاجەت. قازاقتى بٶلٸپ-جارۋعا بولمايدى. بٸز جالپىۇلتتىق دەڭگەيدە ويلاۋعا ۇمتىلۋىمىز كەرەك».
