ۇلتتىق قوعامدىق كەڭەستٸڭ حاتشىسى ەرلان قارين جاڭادان قۇرىلعان ۇيىمنىڭ بۇعان دەيٸنگٸ ديالوگ الاڭدارىنان ايىرماشىلىعى نەدە بولاتىنىن تٷسٸندٸردٸ, دەپ حابارلايدى قازاقپارات تٸلشٸسٸ.
ورتالىق كوممۋنيكاتسييالار قىزمەتٸندە ٶتكەن بريفينگ بارىسىندا باق ٶكٸلدەرٸنٸڭ ساۋالىنا جاۋاپ بەرگەن ەرلان قارين ۇيىمنىڭ بۇعان دەيٸن جۇمىس ٸستەگەن ديالوگ الاڭدارىنان اۋقىمدىلىعىمەن ەرەكشەلەنەتٸنٸن اتاپ ٶتتٸ.
«كەيبٸر ساراپشىلاردىڭ ەلەۋمەتتٸك جەلٸلەردە ۇلتتىق كەڭەستٸ بۇعان دەيٸن قۇرىلعان ديالوگ الاڭدارىمەن سالىستىرمالى تٷردە تالداپ جاتقانىن مەن دە بايقادىم. بۇل تەڭەۋلەر دۇرىس ەمەس. سەبەبٸ ول الاڭدار ناقتى بٸر مەسەلە تٶڭٸرەگٸندە قۇرىلعان ۋاقىتشا ديالوگ الاڭدارى بولاتىن. مىسالى, جەر كوميسسيياسى جەر تۋرالى زاڭناماعا ٶزگەرٸستەر ەنگٸزۋ ماقساتىندا قۇرىلعان الاڭ بولاتىن. ال بۇل (ۇلتتىق كەڭەس - اۆت.) تۇراقتى تٷردە جۇمىس ٸستەيتٸن كونسۋلتاتيۆتٸك كەڭەس ورگانى بولادى. پرەزيدەنتكە ٷنەمٸ قوعامداعى ەرتٷرلٸ الاڭداتاتىن مەسەلەلەردٸ ەسكەرۋگە, قوعام ٶكٸلدەرٸمەن تٸكەلەي ديالوگ ارقىلى پٸكٸر الماسۋ بارىسىندا تيٸستٸ باستامالاردى جٷزەگە اسىرۋعا مٷمكٸندٸك بەرەتٸن بولادى», - دەدٸ ول.
ۇلتتىق كەڭەس حاتشىسى ۇيىمنىڭ قۇرامىن انىقتاۋ كەزٸندە تۇراقتى تٷردە قوعامدىق مەسەلەلەرمەن شۇعىلدانعان, ٶز سالاسىنىڭ ماماندارىن تارتۋعا باسىمدىق بەرٸلگەنٸن ايتتى. «قازٸر بٸزدە سيتۋتسييالىق ليدەرلەر كٶپ. ال بٸز تۇراقتى تٷردە ەلمەن جۇمىس ٸستەپ جٷرگەن ادامداردى تارتۋعا تىرىستى. سونىمەن قاتار ونىڭ ٶز سالاسىنداعى بٸلٸكتٸلٸگٸ دە ەسكەرٸلدٸ. تەك «كٷيٸپ تۇرعا تاقىرىپتارمەن» عانا شۇعىلدانباي, ٶز ماقساتى مەن مٸندەتٸن ايقىن اتقاراتىن ادامداردى توپتاستىرۋعا تىرىستىق», - دەدٸ ەرلان قارين.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ ۇلتتىق قوعامدىق سەنٸم كەڭەسٸ تۋرالى جارلىققا قول قويدى. سونداي-اق كەڭەستٸڭ قۇرامىنا كٸمدەر ەنگەنٸ بەلگٸلٸ بولدى.
