قازاقستان پرەزيدەنتٸ قاسىم-جومارت توقاەۆ كٶرشٸ قىتاي حالىق رەسپۋبليكاسىنا قاتىستى ٶز ۇستانىمىن بٸلدٸردٸ, دەپ حابارلايدى Sputnik قازاقستان.
"الدىمەن قىتايدىڭ بٸزدٸڭ ەڭ جاقىن كٶرشٸمٸز ەكەنٸن تٷسٸنۋٸمٸز كەرەك. "قۇداي قوسقان كٶرشٸ" دەيدٸ عوي. ال كٶرشٸنٸ اۋىستىرۋعا بولمايدى. ول – بٸر. ەكٸنشٸدەن, قىتاي ەكونوميكالىق تۇرعىدا ٶتە ٷلكەن جەتٸستٸكتەرگە جەتتٸ. قىتاي جوعارى تەحنولوگييالار مەن جاساندى ينتەللەكت جاعىنان جەتەكشٸ مەملەكەت بولىپ سانالادى", - دەدٸ توقاەۆ "حابار 24" ارناسىنا بەرگەن سۇحباتىندا.
مەملەكەت باسشىسىنىڭ ايتۋىنشا, قىتايمەن سەرٸكتەستٸك بايلانىس ورناتۋ كەرەك. وعان قوسا, قازاقستان كٶرشٸ ەلدٸڭ نارىعىنا تەۋەلدٸ.
"بٸزدٸڭ ستراتەگييالىق ماڭىزى بار ٶنٸمدەرٸمٸزدٸ, اۋىل شارۋاشىلىعى ٶنٸمدەرٸن شىعاراتىن كەسٸپكەرلەر قىتاي نارىعىنا سەنٸپ وتىرادى. ونى جوققا شىعارا المايمىز. ال انتيقىتايلىق نارازىلىقتاردى ٶتكٸزەتٸن ادامدار, ەرينە, ٶزٸنٸڭ ساياسي مٷددەلەرٸن كٶزدەيدٸ. بەلكٸم, ولار بٸزدٸڭ ەكونوميكامىزدىڭ سۇرانىسىن تٷسٸنبەيدٸ. جالپى ەكونوميكالىق مەسەلەلەردٸ بٸلمەيتٸن شىعار. ولارعا بەگٸلٸ بٸر قورلاردان جەنە باسقا دا قۇرىلىمداردان اقشا تٶلەنۋٸ دە مٷمكٸن. ٶيتكەنٸ ەلەمدٸك قاۋىمداستىقتا گەوساياسي ارازدىقتى تۋعىزۋ ەرەكەتٸ بايقالادى", - دەپ اتاپ ٶتتٸ توقاەۆ.
مەملەكەت باسشىسى قىتايدىڭ وسى ۋاقىتقا دەيٸن قازاقستانعا ەشقانداي جاماندىق ٸستەمەگەنٸن ەسكە سالدى. ال ەكٸ ەلدٸڭ ساۋدا-ساتتىعى جىل سايىن ارتىپ كەلەدٸ. بىلتىر ون بٸر ايدىڭ ٸشٸندە تاۋار اينالىمى 17 ميلليارد دوللارعا جەتتٸ.
"بۇل – ٷلكەن كٶرسەتكٸش. سوندىقتان بٸز قىتايمەن ساۋدا-ەكونوميكالىق جەنە ينۆەستيتسييالىق ىنتىماقتاستىعىمىزدى ارى قاراي دامىتۋعا مٷددەلٸمٸز. قىتايدى زەرتتەۋٸمٸز كەرەك, قىتاي تٸلٸن ٷيرەنۋٸمٸز كەرەك. مەن ەكٸ قولدى كٶتەرٸپ, قىتايعا بەرٸلۋدٸ ايتىپ وتىرعان جوقپىن. بٸز ونىڭ مىقتى ەل ەكەنٸن تٷسٸنۋٸمٸز كەرەك. ونىمەن قارىم-قاتىناسىمىز دا جاقسى بولۋعا تيٸس", - دەدٸ توقاەۆ.
