دەموكراتييا جولىنا بٸر كٷندە ەمەس, كٶپ جىلدان كەيٸن تٷسكەن باتىس ەلدەرٸنٸڭ بٸزگە جٶن سٸلتەيتٸن رەتٸ جوق. قازاق ەلٸنٸڭ ٶز سارا جولى بار. بٸز ٶز تاريحىمىز, دەستٷرٸمٸز, تٸلٸمٸز بەن دٸنٸمٸزگە سٷيەنە وتىرىپ, دەموكراتييالىق قۇندىلىقتاردى بويىمىزعا سٸڭٸرٸپ جاتىرمىز. بۇل تۋرالى پرەزيدەنت نۇرسۇلتان نازارباەۆ "جاڭا گۋمانيتارلىق بٸلٸم. قازاق تٸلٸندەگٸ جاڭا وقۋلىق" جوباسى اياسىندا شىققان العاشقى وقۋلىقتاردىڭ تۇساۋكەسەرٸندە ايتتى, دەپ حابارلايدى ۇلت.كز تٸلشٸسٸ Sputnik قازاقستان اگەنتتٸگٸنە سٸلتەمە جاساپ.
"ەركٸم ٶز تاعدىرىنا ٶزٸ جاۋاپتى. مەن - تەۋەلسٸزدٸكتٸڭ بٸرٸنشٸ كٷنٸنەن باستاپ ەلدٸڭ جٷگٸن ارقالاپ كەلە جاتقان اداممىن. قانشا رەت باتىستان كەلٸپ, "بٸزدەگٸ سيياقتى دەموكراتييا قىلىڭدار" دەپ ايتادى. بٸز - قازاقپىز, بٸز امەريكالىق, نەمٸس, اعىلشىن ەمەسپٸز. بٸزدٸڭ ٶزٸمٸزدٸڭ تاريحىمىز, تٸلٸمٸز, دٸنٸمٸز, دەستٷرٸمٸز بار. بٸز بٷكٸل ەلەم سەكٸلدٸ دەموكراتييا جولىمەن كەلە جاتقان حالىقپىز", — دەدٸ پرەزيدەنت.
بٸراق, مەملەكەت باسشىسىنىڭ ايتۋىنشا, بٸر كٷننٸڭ ٸشٸندە مىڭ جىلدىق شارۋانى اتتاپ كەتە المايمىز.
"امەريكا قۇراما شتاتتارىنا 250 جىل بولدى. وسىدان ەلۋ جىل بۇرىن بۇل ەلدە قارا مەن اق بٸر اۆتوبۋسقا وتىرمايتىن. ەيەلدەر سايلاۋعا قاتىسپايتىن. ونى نەگە ۇمىتىپ كەتتٸڭدەر. باتىستاعىلار كاتوليكتەر عوي, ونىڭ ٸشٸندە پروتەستانتتار. پروتەستانت دەگەندەر ٶزٸمە عانا جاۋاپ بەرەمٸن, ٸنٸمە, باۋىرىما قارىزعا اقشا بەرە المايمىن, بەرسەم نەسيە رەتٸندە بەرەمٸن دەيتٸندەر. ولاردا اعايىن-تۋىسقان دەگەن جوق, بالا 16 جاستان ٷيدەن كەتٸپ, ٶزٸن-ٶزٸ اسىراۋى كەرەك. بٸز قازاق ولاي بولا المايمىز عوي. ٶزٸمٸزدٸڭ دەستٷرٸمٸز بار. ٷلكەندٸ, ەيەلدٸ سىيلاپ, بالاسى ەكەسٸن, ەكەسٸ اتاسىن قادٸرلەگەن حالىقپىز. بٸز قازاقپىز, دەپ مەن ىلعي ولارعا تٷسٸندٸرٸپ كەلەمٸن", — دەگەن نازارباەۆ سينگاپۋردىڭ كٶشباسشىسى بولعان لي كۋان يۋ-دىڭ تاعدىرىن ەسكە الدى.
"مەنٸڭ جاقسى دوسىم بولعان مارقۇم لي كۋان يۋ دە سولاي الىسىپ ٶتتٸ. ول تۋرالى نە دەمەدٸ? ديكتاتور, اۆتوكرات دەدٸ. قانداي اۆتوكرات? "بەس جىل سايىن سايلانىپ وتىرعان ادامدى قالاي ديكتاتور, اۆتوكرات دەپ اتاۋعا بولادى" دەپ ول دا دەلەلدەپ جٷردٸ. سوندىقتان بٸزدٸڭ ٶزٸمٸزدٸڭ جولىمىز بار دەگەنٸم سول. بٸراق بٷكٸل ٶركەنيتتەن الشاقتاپ كەتٸپ, باسقا جەرگە بارامىز دەگەن سٶز ەمەس. ٶز جولىمىزبەن باسقا ٶركەنيەت, ٶسكەن ەلدەرمەن تەڭ بولامىز دەگەن سٶز", — دەپ تٷيدٸ سٶزٸن پرەزيدەنت.
