پرەزيدەنت قاسىم-جومارت توقاەۆ اتىراۋ ٶڭٸرٸنٸڭ جۇرتشىلىعىمەن كەزدەسۋٸندە ەسٸرتكٸگە قارسى كٷرەس ھەم ۇرپاق دەنساۋلىعى تۋرالى سٶز قوزعادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«بٸز بٷكٸل قوعام بولىپ ەسٸرتكٸگە قارسى تاباندى تٷردە كٷرەسۋگە تيٸسپٸز. بۇل ۇرپاقتىڭ دەنساۋلىعىن ساقتاۋ ٷشٸن ٶتە ماڭىزدى. جاستاردىڭ جات قىلىققا بوي الدىرۋىنا جول بەرمەۋٸمٸز كەرەك.
قازٸر ەرەسەكتەردٸڭ ەرمەگٸنە اينالعان ەلەكتروندى تەمەكٸگە وقۋشىلار دا ەۋەستەنٸپ بارادى. مۇنداي تەمەكٸنٸ بالالار دٷكەننەن ەش كەدەرگٸسٸز ساتىپ الادى. بۇل – قاۋٸپتٸ جاعداي.
بٸزدە الكوگول ٶنٸمدەرٸن 21 جاسقا تولماعان ازاماتتارعا ساتۋعا تىيىم سالىنعان. بٸراق بۇل تالاپ ٸس جٷزٸندە ورىندالا بەرمەيدٸ. قۇزىرلى ورگاندار باقىلاۋدى كٷشەيتۋٸ كەرەك.
قوعامدا ەنەرگەتيكالىق سۋسىنداردى جاستارعا ساتۋعا تىيىم سالۋ قاجەتتٸگٸ جيٸ ايتىلادى. ٷكٸمەت بۇل مەسەلەنٸ مۇقييات زەردەلەپ, ناقتى شەشٸم قابىلداۋى كەرەك.
مۇحتار ەۋەزوۆتٸڭ «ەل بولامىن دەسەڭ, بەسٸگٸڭدٸ تٷزە» دەگەن سٶزٸ بار. بٸز ۇرپاقتىڭ دەنساۋلىعىن جەنە تەربيەسٸن بٷگٸن ويلاماساق, ەرتەڭ كەش بولۋى مٷمكٸن» - دەدٸ مەملەكەت باسشىسى.
پرەزيدەنت وسى ورايدا سپورت ينفراقۇرىلىمىن دامىتىپ, ونى بارىنشا قولجەتٸمدٸ ەتۋ – ماڭىزدى مٸندەتتٸڭ بٸرٸ ەكەنٸن ايتتى.
«ٶڭٸردەگٸ كٶپتەگەن سپورت نىسانىنا جٶندەۋ جٷرگٸزۋ قاجەت. سونىمەن بٸرگە رەسپۋبليكالىق جەنە حالىقارالىق جارىستار ٶتكٸزەتٸن جاڭا سپورت كەشەندەرٸن سالۋ كەرەك.
جالپى, كٶپ شىعىندى تالاپ ەتپەيتٸن سپورت تٷرلەرٸن دامىتقان جٶن. مىسالى, شاحمات, ٷستەل تەننيسٸ, توعىزقۇمالاق, ساداق اتۋ, قازاقشا كٷرەس, تاعى باسقا. بۇل قادام, ەڭ الدىمەن, بالالارىمىزدى تەرٸس ەدەتتەن الىستاتادى جەنە سپورت زالدارىنىڭ تاپشىلىعىن ازايتۋعا مٷمكٸندٸك بەرەدٸ. ەكٸمدٸككە وسى شارۋالاردى پىسىقتاۋدى تاپسىرامىن.
تاعى بٸر ايتايىن دەگەنٸم, ەسكەرتكٸشتەر قويا بەرگەننەن گٶرٸ, سپورت جەنە مەديتسينا نىساندارىن سالۋعا باسا نازار اۋدارۋ قاجەت. بۇل - اتىراۋ وبلىسىنا عانا ەمەس, بٷكٸل ەلٸمٸزگە قاتىستى مەسەلە» - دەدٸ توقاەۆ.
