ەلوردانىڭ ٸرگەسٸ العاشقى جىلدارى قالاي قالانعانى تۋرالى قازاقستان پرەزيدەنتٸ نۇرسۇلتان نازارباەۆ «كازاحستانسكايا پراۆدا» گازەتٸنە بەرگەن سۇحباتىندا ايتىپ بەردٸ, دەپ حابارلايدى قازاقپارات تٸلشٸسٸ.
«جاڭا استانانىڭ ٸرگەسٸن قالاۋدا قارجىلاندىرۋ كٶزٸن تابۋ - ەڭ كٷردەلٸ شارۋالاردىڭ بٸرٸ بولدى. اقشا بولسا - ٸس تە العا جٷرەدٸ. بٷكٸل ابىرويدى سالۋعا تۋرا كەلدٸ. اقمولا ەركٸن ەكونوميكالىق اۋماعىن قۇرۋ ارقىلى بەلگٸلٸ بٸر سومانى جيناپ الدىق. كەڭەس وداعىنان قالعان ماتەريالدىق رەزەرۆتەردٸ دە ٸسكە قوستىق. بۇل قور ەلبەتتە از ەمەس ەدٸ - ولار مەتالل مەن تەمٸر قۇيماسىنان, قۇرىلىس ماتەريالدارىنان تۇراتىن. ونىڭ ٸشٸنەن قازاقستانعا قاجەتتٸ بٶلٸگٸن عانا قالدىرىپ, قالعانىن ساتىپ جٸبەرٸپ, ودان تٷسكەن 20 ميلليون دوللاردى ەلوردا قورىنا اۋداردىق. جالپى, بٸز استانانى تۇرعىزاردا بيۋدجەتكە سالماق تٷسٸرمەۋگە تىرىستىق. ەربٸر تەڭگە ەسەپكە الىنىپ, ارتىق شىعىننىڭ بولماۋىن قاداعالادىق», - دەيدٸ نۇرسۇلتان نازارباەۆ.
پرەزيدەنت ٶز سٶزٸندە قۇرىلىستى قارجىلاندىرۋدىڭ باستى كٶزٸ - ينۆەستيتسييالار بولعانىن ايتادى.
«بٸز شەتەلدٸك ينۆەستورلاردان 10 جىل مەرزٸمگە پايىزسىز نەسيە الۋعا قول جەتكٸزدٸك. سونىمەن قاتار, كٶپتەگەن نىساندار گرانتتار مەن ٶتەماقىسىز ينۆەستيتسييالارعا سالىنعان», - دەيدٸ قازاقستان پرەزيدەنتٸ.
وسىلايشا, اقوردا قۇنى 22 ميلليون دوللارلىق ەبۋ-دابي دامۋ قورىنىڭ گرانتى ەسەبٸنەن بوي كٶتەرگەن. «نۇر استانا» مەشٸتٸ - كاتار مەملەكەتٸنٸڭ 15 ميلليون دوللارلىق گرانت ەسەبٸنٸنەن تۇرعىزىلسا, قۇنى 33 ميلليون دوللارلىق «استانا-تاۋەر» ورتالىعىن تٷركييا قارجىلاندىرعان. قازٸرگٸ اۋىل شارۋاشىلىعى مينيسترلٸگٸنٸڭ عيماراتى كۋۆەيت گرانتىنىڭ ەسەبٸنەن سالىنسا, ال سالتانات سارايىن ومان ەمٸرٸ سىيعا تارتقان. «الاتاۋ» سپورت كەشەنٸ مۇناي سالاسىنداعى ينۆەستورلاردىڭ تارتۋى. مۇنداي عيماراتتار ەلبەتتە از ەمەس. بٸرٸككەن اراب ەمٸرلٸكتەرٸنەن, ساۋد ارابيياسىنان, يتالييا, جاپونييا مەن ٶزگە دە ەلدەردەن گرانتتاردىڭ اعىنى كەلٸپ جاتتى. عيماراتتاردىڭ كٶبٸن شەتەلدٸكتەر قازاقستان حالقىنا, پرەزيدەنتكە سىي رەتٸندە تابىس ەتكەن.
«بٸزدٸڭ ازاماتتار دا ايتارلىقتاي ٷلگٸ كٶرسەتتٸ. وسى جەرگە كەلگەننەن كەيٸن مەن اقمولالىق كەسٸپكەرلەردٸ جيناپ الىپ, ولاردان قالاعا سىيلىق جاساۋدى سۇرادىم. اسقار مەمينگە وسىعان دەيٸن ساتىلىپ الىنعان «مەسكەۋ» قوناق ٷيٸن مەملەكەتكە قايتارۋ تۋرالى ۇسىنىس جاسادىم. كەيٸن بٸز وسى عيماراتقا سىرتقى ٸستەر مينيسترلٸگٸن كٸرگٸزدٸك. ونداعان يەگەرلەر ٶزدەرٸنٸڭ كوتتەدجدەرٸن تاپسىرىپ, ول جەرلەرگە ينتەلليگەنتسييا ٶكٸلدەرٸ مەن شەنەۋنٸكتەردٸ ورنالاستىردىق. باسقا امال جوق تا ەدٸ. قالادا زەۋلٸم دەگەن عيماراتتاردىڭ سانى ساناۋلى بولاتىن. ويىن-ساۋىق باعىتىنداعى نىساندار مٷلدە جوق بولاتىن», - دەيدٸ نۇرسۇلتان نازارباەۆ.
.jpeg)