2020 جىلدىڭ 1-توقسانىندا پويىزداردا بيلەتسٸز جولاۋشى تاسىمالداۋدىڭ 120-عا جۋىق فاكتٸسٸ انىقتالدى. بۇل تۋرالى «ادال جول» جوبالىق كەڭسەنٸڭ باسشىسى يسلامبەك مايشەكين ايتتى, دەپ حابارلايدى "ۇلت اقپارات".
«وسى جىلدىڭ 1 توقسانىندا 170 رەيد جٷرگٸزٸلٸپ, ونىڭ بارىسىندا بيلەتسٸز جولاۋشى تاسىمالداۋدىڭ 120-عا جۋىق فاكتٸسٸ انىقتالعان بولاتىن. انىقتالعان فاكتٸلەر بويىنشا پويىز قىزمەتكەرلەرٸنٸڭ ٷستٸنەن تيٸستٸ ەكٸمشٸلٸك حاتتاما تولتىرىلدى. ەگەر ٶتكەن جىلدىڭ وسىنداي كەزەڭٸمەن سالىستىرار بولساق, فاكتٸلەردٸڭ سانى ەكٸ ەسەگە قىسقارىپ وتىر. دەگەنمەن, ٷش ايدىڭ ٸشٸندە 120 فاكتٸنٸڭ انىقتالۋى پروبلەمانىڭ ەلٸ قالعاندىعىن كٶرسەتەدٸ», - دەدٸ جوبالىق كەڭسە جەتەكشٸسٸ.
ونىڭ اتاپ ٶتۋٸنشە, ٶتكەن جىلى بيلەت ساتۋدىڭ جاڭا باعدارلاماسى ٸسكە قوسىلىپ, جولاۋشىلار تاسىمالىنا قاتىستى نورماتيۆتٸك-قۇقىقتىق اكتٸلەرگە, ەكٸمشٸلٸك قۇقىق بۇزۋشىلىق تۋرالى كودەكسكە ٶزگەرٸستەر ەنگٸزٸلدٸ. نەتيجەسٸندە بيلەتتەردٸ جاپپاي ساتىپ الۋ 60 پايىزعا تٶمەندەپ وتىر.
