قازاقستان مۇسىلماندارى دٸني باسقارماسى بيىل رامازان ايىندا بەرٸلەتٸن پٸتٸر ساداقا مٶلشەرٸن بەكٸتتٸ, دەپ حابارلايدى Sputnik قازاقستان.
"پٸتٸر ساداقانىڭ مٶلشەرٸ – 300 تەڭگە. بۇل - پٸتٸر ساداقانىڭ ەڭ تٶمەنگٸ مٶلشەرٸ. بۇل مٶلشەردەن ارتىق بەرۋگە دە بولادى", - دەدٸ دٸني باسقارماداعىلار.
ايتا كەتەيٸك, بىلتىر دا پٸتٸر ساداقا وسى مٶلشەردە بولعان ەدٸ.
پٸتٸر ساداقاسى جايلى
پٸتٸر سٶزٸ اراب تٸلٸندە "جاراتىلىس" دەگەن ماعىناعا سايادى, سول سەبەپتٸ كەي عۇلامالار پٸتٸردٸ "دەنەنٸڭ زەكەتٸ" دەپ اتاعان. پٸتٸر ساداقاسى - كٷندەلٸكتٸ قولدانىستاعى نەگٸزگٸ قاجەتتٸلٸكتەردەن تىس, كەم دەگەندە, نيساپ كٶلەمٸندەگٸ بايلىققا يە ادامعا مٸندەتتٸ ساداقا. شاريعاتتاعى ٷكٸمٸ – ۋەجٸپ. رامازان ورازاسى پارىز ەتٸلگەن جىلى پٸتٸر ساداقاسى دا ۋەجٸپ ەتٸلدٸ. شاريعاتىمىزدا اتالمىش ساداقانى ورازا ايت نامازىنا دەيٸن بەرٸلگەنٸ دۇرىس.
پٸتٸر ساداقاسى كٸمدەرگە ۋەجٸپ?
ايت كٷنٸ تاڭ اتىسىمەن پٸتٸر ساداقاسىن بەرۋ ۋەجٸپ بولعاندىقتان, بۇل ۋاقىتتان بۇرىن دٷنيەدەن ٶتٸپ كەتكەن ادامدار ٷشٸن مٸندەت ەمەس. ال, وسى ۋاقىتتان كەيٸن قايتسا, دٷنيەدەن ٶتكەن ادامنىڭ تۋىستارى ارتىندا قالعان مالىنان ٶتەيدٸ.
سول سيياقتى تاڭ اتپاي دٷنيە ەسٸگٸن اشقان سەبيگە پٸتٸر ساداقاسى - ۋەجٸپ. تاڭ اتقاننان كەيٸن تۋعان بالاعا – مٸندەت ەمەس. بٸر مۇسىلماننىڭ پٸتٸر ساداقاسى مۇقتاج بٸر ادامعا بەرٸلەدٸ. بٸراق بٸر ادامنىڭ پٸتٸر ساداقاسىن بٸرنەشە ادامعا بٶلٸپ بەرۋگە بولمايدى. بٸرنەشە ادامنىڭ ساداقاسىن بٸرٸكتٸرٸپ, تەك قانا بٸر مۇقتاج وتباسىنا بەرۋگە بولادى.
پٸتٸر ساداقاسىنان جينالعان دٷنيەنٸ, ەڭ الدىمەن جەرگٸلٸكتٸ جەردەگٸ ەلەۋمەتتٸك ەلجۋاز, مۇقتاج ادامدارعا بەرٸلۋٸ تيٸس. جەرگٸلٸكتٸ جەردە ساداقاعا مۇقتاج ادامدار بولا تۇرا, باسقا جەردەگٸ مۇقتاجدارعا ٷلەستٸرٸپ بەرۋ - مەكرۋھ.
بٸر اي بويى قيىنشىلىقپەن ۇستالعان ورازانىڭ قابىل بولۋىنا دا وسى ساداقا سەبەپ بولادى. وسى سەبەپتٸ دە عالىمدارىمىز پٸتٸر ساداقاسىنىڭ ابزالدىعىنا توقتالىپ, شاماسى جەتكەن ەر مۇسىلمان بەرۋ كەرەكتٸگٸن باسا ايتىپ ٶتكەن.
رامازان ايى - 2019
2019 جىلى مۇسىلمان قاۋىم اسىعا كٷتەتٸن رامازان ايى 6 مامىر كٷنٸ باستالىپ, 4 ماۋسىمدا اياقتالادى. قادٸر تٷنٸ 31 مامىردان 1 ماۋسىمعا اۋعان تٷن — قاسيەتتٸ جۇماعا تٷسٸپ وتىر. 4 ماۋسىم كٷنٸ ورازا ايت مەيرامى باستالادى. قۇربان ايت 11-13 تامىز كٷندەرٸنە تٷسٸپ تۇر.
