قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
بيىلدان باستاپ مەملەكەت باسشىسىنىڭ تاپسىرماسى بويىنشا 500 قازاقستاندىق عالىم مەملەكەت ەسەبٸنەن شەتەلدە تاعىلىمدامادان ٶتەدٸ.
وزىق عىلىمي تەحنولوگييالاردى ترانسفەرتتەۋ ماقساتىندا مەملەكەت باسشىسى ق.توقاەۆتىڭ «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋىندا 500 عالىمنىڭ ەلەمدەگٸ جەتەكشٸ زەرتتەۋ ورتالىقتارىندا جىل سايىن تاعىلىمدامادان ٶتۋٸن قامتاماسىز ەتۋدٸ تاپسىرعانى بەلگٸلٸ.
جيىندى اشقان مەملەكەتتٸك حاتشى بٷگٸندە تٷرلٸ سالا ماماندارىنا ٶزدەرٸنٸڭ كەسٸبي بٸلٸمدەرٸن جاڭارتۋعا مٷمكٸندٸك بەرەتٸن قىسقا مەرزٸمدٸ وقىتۋدىڭ نەمەسە تاعىلىمدامانىڭ ماڭىزدىلىعى ارتىپ كەلە جاتقانىن اتاپ ٶتتٸ. بۇعان «بولاشاق» باعدارلاماسى بويىنشا ٷمٸتكەرلەر اراسىنداعى ٷلكەن كونكۋرس دەلەل. وسىعان بايلانىستى حالىقارالىق باعدارلاما شەڭبەرٸندە عالىمدار ٷشٸن تاعىلىمدامالاردىڭ ارنايى ساناتى بەكٸتٸلدٸ.
وتىرىس بارىسىندا كوميسسييا مىناداي ساناتتار بويىنشا تاعىلىمدامالاردى بەكٸتتٸ: عالىمدار, دەنساۋلىق ساقتاۋ سالاسىنداعى قىزمەتكەرلەر, پەداگوگتار, مەملەكەتتٸك قىزمەتشٸلەر, ينجەنەرلٸك-تەحنيكالىق قىزمەتكەرلەر.
بٸلٸم جەنە عىلىم مينيسترٸ اسحات ايماعامبەتوۆتٸڭ ايتۋىنشا, تاعىلىمداما ساناتتارىنىڭ تٸزٸمٸن قالىپتاستىرۋ كەزٸندە مەملەكەتتٸك ورگاندار مەن مٷددەلٸ ۇيىمداردان كەلٸپ تٷسكەن ٶتٸنٸمدەر نەگٸزٸندە نارىقتىڭ ناقتى قاجەتتٸلٸگٸنە تالداۋ جٷرگٸزٸلگەن. جالعاسىپ جاتقان پاندەمييا جاعدايىنداعى جاڭا سىن-قاتەرلەردٸ ەسكەرە وتىرىپ, عىلىمي, مەديتسينالىق جەنە ينجەنەرلٸك-تەحنيكالىق قىزمەتكەرلەردٸڭ تاعىلىمدامالارىنا باسىمدىق بەرٸلەدٸ.
وتىرىس قورىتىندىسى بويىنشا مەملەكەتتٸك حاتشى قىرىمبەك كٶشەرباەۆ «بولاشاق» حالىقارالىق ستيپەنديياسىن ٸسكە اسىرۋدىڭ تەتٸكتەرٸن ودان ەرٸ جەتٸلدٸرۋ جەنە ونىڭ تيٸمدٸلٸگٸن ارتتىرۋ جٶنٸندە بٸرقاتار تاپسىرما بەردٸ.
