ۇلتتىق بٸرىڭعاي تەستٸلەۋدەن 137 بالل جيناعان قاراعاندىلىق مەكتەپ تٷلەگٸ ەدٸلسامات ەبٸتاەۆ قۇرداستارىنا جەتٸستٸگٸنٸڭ سىرىمەن بٶلٸسٸپ, ۇبت-نى ەلەكتروندى فورماتتا تاپسىرۋدىڭ ارتىقشىلىعىن ايتتى, دەپ حابارلايدى قازاقپارات.
«ۇلتتىق بٸرىڭعاي تەستٸلەۋ – ەربٸر تٷلەكتٸڭ ٶمٸرٸندەگٸ ماڭىزدى قادام. دەگەنمەن, نەگٸزگٸ ماقسات – ۇبت-نى جاقسى تاپسىرۋ عانا ەمەس, باستىسى – ٶمٸردە ٶز ورنىڭدى تاۋىپ, تابىستى تۇلعا بولۋ. ۇبت-نىڭ بارلىق سۇراعى مەكتەپ باعدارلاماسى بويىنشا دايىندالعان. كٶپتەگەن تەست سۇراقتارىنا وڭاي جاۋاپ بەرۋگە بولادى. اۋديتورييادا سٸزدٸ الاڭداتىپ, كٶمەك سۇرايتىن بالالاردىڭ بولۋى دا ەبدەن مٷمكٸن. ولارعا ايتار باستى كەڭەسٸم: ادام بالاسى قانداي جاعداي بولماسىن, تەك ٶز كٷشٸنە عانا سەنۋٸ تيٸس», – دەيدٸ قاراعاندى قالاسىنداعى №61 جالپى بٸلٸم بەرەتٸن مەكتەپتٸڭ تٷلەگٸ ەدٸلسامات ەبٸتاەۆ.
سونىمەن قاتار ول ۇبت-نى ەلەكتروندى فورماتتا تاپسىرۋدىڭ ارتىقشىلىقتارىنا دا توقتالىپ ٶتتٸ.
«تالاپكەرلەر ٷشٸن تەستٸلەۋ اياقتالعانعا دەيٸن جاۋاپتارىن ٶزگەرتٸپ, الدىڭعى سۇراقتارعا ورالۋ مٷمكٸندٸگٸ بار. ەگەر بۇرىن تەست تاپسىرۋشىلار جاۋاپ پاراقتارىن بوياۋعا كٶپ ۋاقىت جۇمساسا, قازٸر ولاي ەمەس. بۇرىن سكانەرمەن تەكسەرۋ كەزٸندە دۇرىس تولتىرىلماعان جاۋاپ نۇسقالارىنىڭ ەسەپتەلمەي قالۋى سيياقتى جاعدايلار ورىن الاتىن. ەلەكتروندىق فورماتتىڭ ارقاسىندا بٸز ٶز نەتيجەلەرٸمٸزدٸ ۇبت اياقتالعاننان كەيٸن بٸردەن بٸلدٸك. مەنٸڭ كەيبٸر تانىستارىم تەستٸلەۋ اياقتالعاننان كەيٸن بٸردەن اپەللياتسيياعا بەردٸ. بۇل ولاردىڭ ۋاقىتىن ايتارلىقتاي ٷنەمدەدٸ. ەڭ باستىسى – ەندٸ تٷلەكتەر ەكٸ مەرتە باقتارىن سىناي الادى. ەرينە, بۇل جاڭالىقتى بٸز ٷلكەن قۋانىشپەن قابىلدادىق», – دەدٸ ول.
