تٷركٸستان وبلىسىندا بيىل 350,1 مىڭ شارشى مەتر تۇرعىن ٷي, ياعني 2680 پەتەر پايدالانۋعا بەرٸلدٸ. بۇل ٶتكەن جىلدىڭ وسى كەزەڭٸمەن سالىستىرعاندا 21,1%-عا ارتىق, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
بٷگٸندە ٶڭٸردە 79 كٶپقاباتتى تۇرعىن ٷيدٸڭ قۇرىلىسى جٷرٸپ جاتىر. جىل سوڭىنا دەيٸن ونىڭ 500 پەتەرٸ, ياعني 35 تۇرعىن ٷي پايدالانۋعا بەرٸلەدٸ.
وبلىستىق قۇرىلىس باسقارماسىنىڭ باسشىسى توقتار ۋسۋباليەۆتٸڭ مەلٸمەتٸنشە, ٶڭٸردە ساتىپ الۋ قۇقىعىنسىز ارەندالىق تۇرعىن ٷي قورىن قۇرۋ بويىنشا اعىمداعى جىلى مەملەكەتتٸك بيۋدجەت ەسەبٸنەن 2449 پەتەرلٸ ٷيلەردٸڭ قۇرىلىسى جٷرٸپ جاتىر. بۇدان ٶزگە, ينجەنەرلٸك كوممۋنيكاتسييالاردى جەتكٸزۋ بويىنشا مەملەكەتتٸك بيۋدجەت ەسەبٸنەن 15 نىسان سالىنۋدا. بيىلعى 10 ايدىڭ قورىتىندىسى بويىنشا جىلدىق جوسپار تولىعىمەن ورىندالىپ, 350,1 مىڭ شارشى مەتر تۇرعىن ٷي پايدالانۋعا بەرٸلدٸ.
ٶڭٸردە 2018 جىلدىڭ جوسپارى - 140,8 ملرد تەڭگە بولىپ بەلگٸلەنگەن. جوسپار 97,3 ملرد تەڭگەگە ورىندالىپ, ٶتكەن جىلمەن سالىستىرعاندا 102,6%-دى قۇرادى. وسىنداي جٷيەلٸ جۇمىستاردىڭ نەتيجەسٸندە ٶڭٸردەگٸ قالا-اۋدانداردا پەتەر كەزەگٸندە تۇرعان ازاماتتار ارەندالىق باسپانامەن قامتىلىپ وتىر.
مەسەلەن, ارىس قالاسىنداعى «كٶكتەم-2» شاعىناۋدانىندا 36 پەتەرلٸ ٷش بٸردەي كٶپقاباتتى ٷي تۇرعىزىلدى. قازٸرگٸ تاڭدا بۇل ٷيلەردٸڭ قۇرىلىس جۇمىستارى جوسپار بويىنشا تولىعىمەن اياقتالىپ, قابىلدانعان. ايتا كەتۋ كەرەك, ارىستاعى ناق وسى تۇرعىن اۋداندا, مۇنان بٶلەك, تاعى 36 پەتەرلٸ كٶپقاباتتى ٷش ٷي سالىنىپ جاتىر. ال قالا بويىنشا 1397 ازامات ٷي كەزەگٸندە تۇر. سارىاعاش اۋدانىندا ٶتكەن جىلى 19,9 مىڭ شارشى مەتر تۇرعىن ٷي تاپسىرىلعان. اعىمداعى جىلدىڭ 10 ايىندا «نۇرلى جەر» باعدارلاماسى بويىنشا 24 مىڭ شارشى مەتر تۇرعىن ٷي ەل يگٸلٸگٸنە بەرٸلدٸ. قاپلانبەك وقۋ-تەجٸريبە شارۋاشىلىعى اۋماعىندا «نۇرلى جەر» باعدارلاماسىمەن بەس قاباتتى, 585 پەتەرلٸ 13 ٷيدٸ التى قۇرىلىس مەكەمەلەرٸ سالۋدا. جالپى سمەتالىق قۇنى 5,3 ملرد تەڭگەنٸ قۇرايتىن 13 ٷي كەلەر جىلى تولىق پايدالانۋعا بەرٸلەدٸ.
وبلىس ورتالىعى تٷركٸستان قالاسىنداعى «وتىرار» مٶلتەكاۋدانىندا مەملەكەتتٸك قارجى ەسەبٸنەن 11 كٶپقاباتتى تۇرعىن ٷي تۇرعىزىلىپ جاتىر. بۇدان باسقا ارەندالىق بەس قاباتتى 60 پەتەرلٸ 9 تۇرعىن ٷيدٸڭ قۇرىلىسىنا مەملەكەتتٸك ساتىپ الۋ كونكۋرسى ٶتكٸزٸلۋدە.
