بيىل ساناۆيتساييا قىزمەتٸ 1 500 استام ۇشۋدى ورىنداعان, دەپ حابارلايدى "ۇلت اقپارات" قر دسم باسپاسٶز قىزمەتٸنە سٸلتەمە جاساپ.
سانيتارييالىق اۆياتسييا كٷشتەرٸن تارتۋ تەك رەسپۋبليكا شەگٸندە عانا جٷزەگە اسىرىلمايدى, سونىمەن قاتار شەتەلدە اۋىر جاعدايدا جاتقان قازاقستان ازاماتتارىن نەمەسە ورالمانداردى حالىقارالىق تاسىمالداۋدى ۇيىمداستىرۋ دا جٷزەگە اسىرىلادى.
2019 جىلدىڭ 7 ايىندا قازاقستاننىڭ سانيتارييالىق اۆياتسيياسى شەتەلدٸك كلينيكالاردان وتاندىق مەديتسينالىق ۇيىمداردا ەمدەلۋدٸ جالعاستىرۋ ٷشٸن 15 قازاقستاندىقتى تاسىمالدادى.
2011 جىلدان باستاپ قازٸرگٸ ۋاقىتقا دەيٸن قر سانيتارييالىق اۆياتسيياسى تاياۋ جەنە الىس شەتەلدەردەن (تايلاند, تٷركييا, شۆەيتسارييا, اقش, وڭتٷستٸك كورەيا, ەگيپەت, قىرعىزستان, قىتاي حالىق رەسپۋبليكاسى, رەسەي فەدەراتسيياسى جەنە ت.ب.) 74 قازاقستاندىقتى تاسىمالدادى.
سانيتارلىق اۆياتسييا قر ۇلتتىق شۇعىل مەديتسينانى ٷيلەستٸرۋ ورتالىعىنا (ۇشمٷو) جاتادى. جىلدىڭ باسىنان بەرٸ ۇشمٷو 1 513 ۇشۋدى جٷزەگە اسىردى. سونداي-اق, ورتالىق قۇرىلعاننان بەرٸ 15 498 ۇشۋدى ورىنداعان.
«شالعاي اۋداندارىندا تۇراتىن حالىققا ۋاقىتىلى جەنە ساپالى مەديتسينالىق كٶمەكتٸ قامتاماسىز ەتۋ ماقساتىندا, پاتسيەنتتٸڭ ورنالاسقان جەرٸ بويىنشا مەديتسينالىق ۇيىمدا مەديتسينالىق جابدىقتىڭ نەمەسە تيٸستٸ بٸلٸكتٸلٸگٸ بار مامانداردىڭ بولماۋى سالدارىنان مۇنداي كٶمەك كٶرسەتۋ مٷمكٸن بولماعان جاعدايدا ۇشمٷو سانيتارييالىق اۆياتسييا نىسانىنداعى كٷشتەرٸ تارتىلادى. شۇعىل مەديتسينالىق كٶمەك كٶرسەتۋ قاجەتتٸلٸگٸ تۋىنداعان جاعدايلاردا سانيتارييالىق اۆياتسييا وعان مۇقتاج ەربٸر ادامعا ونىڭ ورنالاسقان جەرٸنە جەنە مارشرۋتىنىڭ قيىندىعىنا قاراماستان, ەۋە كٶلٸگٸن پايدالانا وتىرىپ, بارىنشا جىلدام جەنە ساپالى مەديتسينالىق كٶمەك كٶرسەتۋگە ارنالعان», دەلٸنگەن حابارلامادا.
بيىلعى 7 ايىنىڭ قورىتىندىسى بويىنشا ورتالىق ماماندارى 1 855 پاتسيەنتكە مەديتسينالىق كٶمەك كٶرسەتتٸ, 2 094 مەديتسينالىق قىزمەت ورىندالدى, ونىڭ ٸشٸندە: 1 377 پاتسيەنتتەردٸ تاسىمالداۋ (65,8%), 290 كونسۋلتاتسييا بەرۋ (13,8%) جەنە 132 وپەراتسييا (6,3%) جەنە 295 تەلەمەديتسينا رقىلى كونسۋلتاتسييا بەرۋ (14,1%).
2019 جىلدىڭ باسىنان بەرٸ ساناۆياتسييا 6 رەت دونورلىق ورگانداردى ەۋە ارقىلى جەتكٸزگەن.
سانيتارييالىق اۆياتسييا جاراقات, جازاتايىم وقيعا مەن ۋلانۋ (22,9%), بالالاردىڭ پاتولوگيياسى (22%), قان اينالىمى جٷيەسٸنٸڭ اۋرۋى (20,4%), جاڭا تۋعان نەرەستەنٸڭ پاتولوگيياسى (14,1%), اكۋشەرلٸك-گينەكولوگييالىق پاتولوگييا (12,5%) جەنە باسقا اۋرۋلار (8,1%) بويىنشا شۇعىل مەديتسينالىق كٶمەك كٶرسەتەدٸ.
