جىل باسىنان بەرٸ ٸشكٸ ٸستەر ورگاندارىنىڭ قىزمەتكەرلەرٸ 5 300 ەسٸرتكٸ زاڭبۇزۋشىلىعىن انىقتادى جەنە 12,5 توننا ەرتٷرلٸ ەسٸرتكٸ تەركٸلەدٸ, دەپ حابارلايدى قازاقپارات.
«جىل باسىنان بەرٸ ٸشكٸ ٸستەر ورگاندارىنىڭ قىزمەتكەرلەرٸ 5 300 ەسٸرتكٸ زاڭبۇزۋشىلىعىن انىقتادى, ونىڭ ٸشٸندە 1661 قىلمىستىڭ 991-ٸ اسا ٸرٸ كٶلەمدە ەسٸرتكٸنٸ ٶتكٸزۋ جەنە 270-ٸ – ساقتاۋ فاكتٸسٸ بولعان. جالپى سالماعى 12,5 توننا ەرتٷرلٸ ەسٸرتكٸ تەركٸلەندٸ, ونىڭ ٸشٸندە: 4 كگ گەروين, 129 كگ سينتەتيكا, 371 كگ گاشيش جەنە 8,7 توننا ماريحۋانا بار», - دەدٸ قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى باقىتجان ەمٸرحانوۆ مينيسترلٸك ۇيىمداستىرعان بريفينگتە.
ونىڭ ايتۋىنشا, 24 تامىزدا جامبىل وبلىسى شۋ اۋدانىندا بايزاق اۋدانىنىڭ 49 جاستاعى تۇرعىنى جالپى سالماعى 928 كگ كاننابيس ٶسٸمدٸكتەرٸن دايىنداۋ كەزٸندە ۇستالعان.
سونداي-اق, 7 ۇيىمداسقان قىلمىستىق توپ تاراتىلىپ, ولاردىڭ باسشىلارى مەن قاتىسۋشىلارىنا قاتىستى 13 قىلمىستىق ٸس قوزعالدى. قىلمىستىق توپتاردىڭ 7 كٶشباسشىسى مەن 34 قاتىسۋشىسى جاۋاپقا تارتىلادى.
«ەسٸرتكٸ كونترابانداسىنىڭ 81 فاكتٸسٸ انىقتالدى. مىسالى, قاراعاندى وبلىسىندا ۇيىمداسقان قىلمىستىق توپ قىزمەتٸنٸڭ جولى كەسٸلدٸ, 2020 جىلعى تامىزدان باستاپ ينتەرنەت-رەسۋرستار ارقىلى سينتەتيكالىق ەسٸرتكٸلەردٸ بايلانىسسىز ٶتكٸزۋمەن اينالىسقان جەتەكشٸ مەن 7 ادام ۇستالدى. قىلمىستىق توپقا قاتىستى قر قك 297, 262-باپتارى 1 جەنە 2-بٶلٸمدەرٸ بويىنشا, سونداي-اق قر قك 264-بابى «ترانسۇلتتىق ۇيىمداسقان قىلمىستىق توپ» بويىنشا حالىقارالىق قىلمىستىق بايلانىستارى بويىنشا دا قىلمىستىق ٸستەر قوزعالدى», - دەيدٸ ب. ەمٸرحانوۆ.
ۆەدومستۆونىڭ مەلٸمەتٸنشە, 7 تامىزدا جەدەل-ٸزدەستٸرۋ شارالارى ارقىلى 37 جاستاعى ازامات ۇستالدى, ونى جەكە تٸنتۋ كەزٸندە 2 پاكەت «گاشيش» تەركٸلەنگەن.
«قىزمەتتٸك-ٸزدەستٸرۋ يتٸمەن تٸنتۋ بارىسىندا ۇستالعان ادامنىڭ تۇرعىلىقتى جەرٸ – قوسشى قالاسىندا سالماعى 34 كەلٸدەن اساتىن «گاشيش» سالىنعان 2 پوليەتيلەن پاكەت تەركٸلەندٸ. ۇستالعان ازامات تەركٸلەنگەن ەسٸرتكٸنٸ استانا اۋماعىندا ٶتكٸزۋدٸ كٶزدەگەن. جٷرگٸزٸلگەن ارنايى وپەراتسييانىڭ نەتيجەسٸندە 36 كيلوگرامنان استام «گاشيش» زاڭسىز اينالىمنان الىندى, بۇل 73 مىڭنان استام بٸر رەتتٸك دوزانى قۇرايدى», - دەدٸ ٸٸم باسقارماسىنىڭ باستىعى.
