نۇر-سۇلتان قالاسى ەكٸمٸنٸڭ ورىنباسارى التىنبەك قايساعاليەۆ بيىل ەلوردا اۋماعىندا 350 گا اۋماققا اعاش وتىرعىزىلاتىنىن مەلٸم ەتتٸ, دەپ حابارلايدى قازاقپارات.
«نۇر-سۇلتان قالاسى بويىنشا بٷگٸنگە دەيٸن 1 ميلليونعا جۋىق تٷپ اعاش وتىرعىزىلعان. جاپىراقتى جەنە قىلقاندى اعاشتاردىڭ 2018 جىلى 19 مىڭ تٷبٸ, 2019 جىلى 114 مىڭ تٷبٸ ەگٸلدٸ. بيىل بۇل جۇمىس جالعاسادى. قالادا قازٸر ساياباقتاردىڭ سانى ٶسٸپ كەلەدٸ. بيىل ارنايى 50 قوعامدىق ورىن سالىنۋدا. حالىق دەمالاتىن ونداي ورىنداردا دا اعاش تٷپتەرٸ كٷزدە جەنە كٶكتەمدە ەگٸلەدٸ. جىلدان جىلعا بۇل جۇمىستى ارتتىرساق دەيمٸز. ەڭ باستى بٸزدٸ قۋانتاتىنى – ەلباسى نۇرسۇلتان نازارباەۆتىڭ باستاماسىمەن ەگٸلگەن جاسىل بەلدەۋ – بٷگٸنگٸ كٷنٸ ماقتانىشىمىزعا اينالىپ وتىر», - دەدٸ التىنبەك قايساعاليەۆ «ASTANA TV» تەلەارناسىنداعى Elorda live-تا بەرگەن سۇحباتىندا.
ونىڭ ايتۋىنشا 1998 جىلدان باستاپ استانانى قورشاي ەگٸلگەن قالىڭ ورمان قازٸر قالانى بٸر جاعىنان جەلدەن قورعاسا, ەكٸنشٸدەن اۋانى تازارتىپ تۇرادى.
«20 جىلدان بەرٸ وتىرعىزىلعان اعاش تٷپتەرٸ توعايعا اينالدى. ارتىنشا بۇل اۋماقتى تۋريستەر كەلٸپ دەمالاتىن ورىنعا اينالدىرماقپىز. اعاش ەگٸلگەن 15 مىڭ گەكتار اۋماق – نۇر-سۇلتان قالاسىنىڭ ٶكپەسٸ دەپ ايتۋعا بولادى. 98 پايىزى – جاپىراقتى اعاشتار. بيىل تاعى 350 گەكتارعا اعاش وتىرعىزىلادى», - دەدٸ ول.
