بيىل ەلەكتروندى تٷردە كٶرسەتٸلەتٸن مەملەكەتتٸك قىزمەتتەر كٶلەمٸن 90 پايىزعا جەتكٸزۋ كەرەك. بۇل تۋرالى ٷكٸمەت وتىرىسىندا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتتى, دەپ حابارلايدى قازاقپارات.
«جىلدان جىلعا ەلەكتروندى تٷردە كٶرسەتٸلەتٸن قىزمەتتەر سانى ۇلعايۋدا. قازٸرگٸ تاڭدا مەملەكەتتٸك تٸزٸلٸمدە 700-گە جۋىق قىزمەت بار. ولاردىڭ 85,5 پايىزى ونلاين تٷردە كٶرسەتٸلەدٸ. بٸزدٸڭ ماقساتىمىز - بيىل وسى كٶرسەتكٸشتٸ 90 پايىزعا دەيٸن جەتكٸزۋ», - دەدٸ ول.
ونىڭ اتاپ ٶتۋٸنشە, مەملەكەتتٸك ورگانداردىڭ ٸشٸندە مەملەكەتتٸك قىزمەتتەردٸ ەلەكتروندى تٷرگە كٶشٸرۋ بارىسىندا تيٸستٸ كٶرسەتكٸشكە جەتە الماي وتىرعاندارى بار.
«وسى جۇمىستى ۋاقىتىلى اياقتاۋ قاجەت. كٶرسەتٸلەتٸن قىزمەتتەر ساپاسىن باقىلاۋ مەملەكەتتٸك قىزمەت ٸستەر اگەنتتٸگٸنٸڭ قۇزٸرەتٸندە. ولار جٷرگٸزگەن قوعامدىق مونيتورينگ نەتيجەسٸن قاراساق, ەلٸمٸزدٸڭ اۋماقتارىندا حالىقتىڭ مەملەكەتتٸك قىزمەتتەرمەن قاناعاتتانۋ دەڭگەيٸن كٶتەرۋ قاجەت ەكەندٸگٸ ايقىن. ول ٷشٸن الدىمىزعا قويىلاتىن بٸرقاتار اشىق مەسەلە بار. مىسالى, مەملەكەتتٸك قىزمەتتٸ الۋ ٷشٸن حالىق ەلٸ دە تٸكەلەي مەملەكەتتٸك ورگانعا نەمەسە ەكٸمدٸككە جٷگٸنەدٸ. وسىنداي قىزمەتتەر سانى - 200-دەن استام», - دەدٸ مينيستر.
باعدات مۋسين مەسەلەنٸ تالداۋ ٷشٸن باس پروكۋراتۋرامەن بٸرلەسٸپ, حالىقتان كەلٸپ تٷسكەن ٶتٸنٸشتەردٸ زەرتتەگەندەرٸن ايتادى.
«نەتيجەسٸندە 2 ملن-نان استام ٶتٸنٸشتەردٸڭ 30 پايىزى مەملەكەتتٸك قىزمەتكە ەكەنٸ انىقتالدى. وسىنداي جاعدايدا حالىققا قىزمەت كٶرسەتۋ ورتالىقتارىنا قاراعاندا مەرزٸمدەرٸ بۇزىلۋى مٷمكٸن. ٶيتكەنٸ, باقىلاۋعا ارنالعان اقپاراتتىق جٷيەگە كٸرمەيدٸ جەنە جەكە قارىم-قاتىناس كەزٸندە سىبايلاس جەمقورلىق بولۋى مٷمكٸن. بۇل مەسەلەنٸ شەشۋ ماقساتىندا بارلىق قىزمەتتەردٸ بالاماسىز تەك حقكو-لاردا نەمەسە ەلەكتروندى تٷردە كٶرسەتۋ قاجەت», - دەدٸ ول.
