- اعىمداعى جىلدىڭ قورىتىندىسى بويىنشا, 9,6 ملن. شارشى مەتر تۇرعىن ٷي پايدالانۋعا بەرٸلەدٸ.
بۇل تۋرالى بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ قۋاندىق بيشٸمباەۆ مەلٸم ەتتٸ, دەپ حابارلايدى ۇلت.كز تٸلشٸسٸ «قازاقپارات» اگەنتتٸگٸنە سٸلتەمە جاساپ.
«2016 جىلدىڭ قورىتىندىسىنا ارنالعان بولجامدى دەرەكتەرگە سەيكەس, 9,6 ملن. شارشى مەتر تۇرعىن ٷي پايدالانۋعا بەرٸلەتٸن بولادى. 2009 جىلدان باستاپ حالىقتىڭ تۇرعىن ٷيمەن قامتاماسىز ەتٸلۋٸ 14,8 پايىزعا ارتىپ, ٶتكەن جىلى 21 شارشى مەتردٸ قۇرادى», - دەپ اتاپ ٶتتٸ مينيستر.
وسى رەتتە ول مەملەكەت باسشىسىنىڭ تاپسىرماسىمەن «نۇرلى جەر» مەملەكەتتٸك باعدارلاماسىنىڭ تۇجىرىمداماسى ەزٸرلەنگەنٸن, ونىڭ ماقساتى تۇرعىن ٷي قۇرىلىسى سالاسىنداعى بارلىق رەسۋرستاردى بٸر باعدارلاماعا شوعىرلاندىرۋ بولىپ تابىلاتىندىعىن اتاپ ٶتتٸ.
«تۇجىرىمدامانىڭ باسىم باعىتتارى مىنالار: بٸرٸنشٸ, يپوتەكالىق قارىزداردى سۋبسيدييالاۋ ارقىلى يپوتەكالىق نەسيە بەرۋدٸ قولداۋ; ەكٸنشٸ, قۇرىلىس كومپانييالارى ٷشٸن قارىزداردى جابۋ جولىمەن جەكە قۇرىلىس سالۋشىلاردى ىنتالاندىرۋ; ٷشٸنشٸ, تۇرعىن ٷي قۇرىلىس جيناق بانكٸنٸڭ سالىمشىلارى جەنە ەكٸمدٸكتەردە كەزەكتە تۇرعان ازاماتتار ٷشٸن «رەۆولۆەرلٸك» قاعيدات بويىنشا كرەديتتٸك تۇرعىن ٷي قۇرىلىسىنىڭ كٶلەمٸن ۇلعايتۋ; تٶرتٸنشٸ, حالىقتىڭ ەلەۋمەتتٸك جاعىنان وسال توپتارى ٷشٸن ساتىپ الۋ قۇقىعىنسىز جالعا بەرٸلەتٸن تۇرعىن ٷيدٸڭ ٶڭٸرلٸك قورىن قۇرۋ; باعدارلامانىڭ سوڭعى باعىتى, مەملەكەتتٸڭ جەر ۋچاسكەلەرٸن بەرۋٸ ارقىلى جەكە تۇرعىن ٷي قۇرىلىسىن دامىتۋ», - دەدٸ بيشٸمباەۆ.
ونىڭ اتاپ ٶتۋٸنشە, يپوتەكالىق كرەديت بەرۋ نارىعىن جانداندىرۋ ماقساتىندا ازاماتتارعا ەكٸنشٸ دەڭگەيدەگٸ بانكتەر بەرەتٸن يپوتەكانىڭ پروتسەنتتٸك ستاۆكاسىنىڭ بٸر بٶلٸگٸن مەملەكەتتٸڭ سۋبسيدييالاۋى ارقىلى حالىقتىڭ سۇرانىسىن ىنتالاندىرۋ كٶزدەلٸپ وتىر. بانكتٸڭ سىياقى ستاۆكاسى جىلىنا 17 پايىزدان ارتىق بولمايدى جەنە 7 جىل ٸشٸندە سۋبسيدييالاۋ بولجانادى.
«تٷپكٸلٸكتٸ قارىز الۋشىنىڭ يپوتەكاسىن 10 پايىزعا دەيٸن تٶمەندەتۋ ٷشٸن مەملەكەت سىياقى قۇنىنىڭ 7 پايىزىنا دەيٸن جابۋدى قامتاماسىز ەتەتٸن بولادى. بٷگٸنگٸ كٷنٸ وسى ماقساتقا 2017 جىلعا ارنالعان رەسپۋبليكالىق بيۋدجەتتە 10 ملرد. تەڭگە كٶزدەلگەن, بۇل 120 ملرد. تەڭگە سوماسىندا جەڭٸلدٸكتٸ يپوتەكالىق قارىز بەرۋگە مٷمكٸندٸك بەرەدٸ», - دەدٸ مينيستر.
.jpeg)