«حالىقارالىق قاتىناستاردىڭ قازٸرگٸ زامانعى جٷيەسٸندەگٸ قازاقستان رەسپۋبليكاسى» اتتى حالىقارالىق كونفەرەنتسييا بارىسىندا قر سىرتقى ٸستەر مينيسترٸ مۇحتار تٸلەۋبەردٸ بيىل ەلٸمٸزدە ٶتەتٸن حالىقارالىق ٸس-شارالاردى اتادى, دەپ حابارلايدى قازاقپارات.
«بيىل قازاق ديپلوماتيياسى ٷشٸن حالىقارالىق وقيعالار ٶتە كٶپ. قىركٷيەك ايىندا قازاقستان ەلوردامىزدا 2003 جىلدان بەرٸ ٶتكٸزٸلٸپ كەلە جاتقان ەلەمدٸك جەنە دەستٷرلٸ دٸندەر ليدەرلەرٸنٸڭ 7-سەزٸن قابىلداۋعا دايىندالۋدا. قازاقستان تولەرانتتىلىق, ٶزارا تٷسٸنٸستٸك جەنە مەدەني ەرتٷرلٸلٸك يدەولوگيياسىن ناسيحاتتاۋ ٶشپەندٸلٸك پەن كەمسٸتۋشٸلٸككە قارسى كٷرەستٸڭ كٸلتٸ ەكەنٸنە سەنٸمدٸ. بٷگٸندە قازاقستان بەيبٸتشٸلٸك پەن كەلٸسٸمدە ٶمٸر سٷرٸپ جاتقان 18 كونفەسسييا مەن 100-دەن استام ەتنوس ٶكٸلدەرٸن بٸرٸكتٸرەتٸن 3800-دەن استام دٸني بٸرلەستٸكتەر ٷشٸن قاۋٸپسٸز جەنە جايلى مەكەن بولىپ سانالادى», - دەدٸ مينيستر.
ونىڭ دەرەگٸنشە, قازان ايىندا نۇر-سۇلتان قالاسىندا ٶتەتٸن, قازاقستاندىق باستامانىڭ 30 جىلدىعىنا ورايلاستىرىلعان ازيياداعى ٶزارا ٸس-قيمىل جەنە سەنٸم شارالارى كەڭەسٸنٸڭ 6-شى سامميتٸنە دايىندىق جٷرٸپ جاتىر.
«قازاقستاننىڭ اٶسشك-گە قازٸرگٸ تٶراعالىعى اياسىندا اٶسشك-تٸ حالىقارالىق ۇيىمعا اينالدىرۋدى باستاۋ باستى باسىمدىق بولىپ سانالادى. قازاقستاننىڭ 2022-2024 جىلدارعا بۇۇ-نىڭ ادام قۇقىقتارى جٶنٸندەگٸ كەڭەسٸنە سايلانۋى بٸزدٸڭ مەملەكەتتٸڭ ۇلتتىق جەنە حالىقارالىق دەڭگەيدە ادامنىڭ نەگٸزگٸ قۇقىقتارى مەن بوستاندىقتارىن ٸلگەرٸلەتۋ جٶنٸندەگٸ مٸندەتتەمەسٸن راستايدى. ەلٸمٸز بۇۇ-نىڭ ادام قۇقىقتارىن قورعاۋ سالاسىنداعى بارلىق ٸرگەلٸ قۇجاتتارى مەن كونۆەنتسييالارىنا قوسىلدى. ادام قۇقىقتارى سالاسىنداعى ۇلتتىق زاڭنامانى حالىقارالىق ستاندارتتارعا سەيكەستەندٸرۋ بويىنشا جۇمىس تۇراقتى نەگٸزدە جٷرگٸزٸلۋدە», - دەدٸ مۇحتار تٸلەۋبەردٸ.
