تٷستٸك ٶڭٸردەن باستاۋ العان قازاق رومانسياداسى بايقاۋىنا بيىل 20 جىل تولىپ وتىر. وسى داتالى مەرەكەگە وراي وڭتٷستٸك قازاقستان وبلىسى ەكٸمٸنٸڭ ورىنباسارى ۇلاسبەك سەدٸبەكوۆ بايقاۋ قوناقتارى مەن قازىلار القاسى مٷشەلەرٸمەن كەزدەسٸپ, مەرەيلٸ مەرەكەمەن قۇتتىقتادى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
كەزدەسۋدە سٶز العان ۇلاسبەك سەدٸبەكۇلى بايقاۋدىڭ 20 جىلدىق عۇمىرىنا باعا بەرٸپ, رومانسياداعا اتسالىپ جٷرگەن شىعارماشىلىق ۇجىمدارعا تابىس تٸلەدٸ. وبلىس ەكٸمٸنٸڭ ورىنباسارى كەزدەسۋ بارىسىندا بايقاۋدىڭ مەرەيتويىنا وراي قازىلار القاسىنىڭ تۇراقتى تٶرايىمى گالينا پرەوبراجەنسكاياعا وڭتٷستٸك قازاقستان وبلىسىنا سٸڭٸرگەن ەرەكشە ەڭبەگٸ ٷشٸن مەدالٸن سالتاناتتى تٷردە تابىس ەتتٸ.
«ٶنەر قاشاندا ٶزٸنٸڭ قۇدٸرەتٸ مەن كيەلٸلٸگٸمەن ەرەكشەلەنەدٸ. ۇلى ٶنەردٸ جانداندىرىپ كەلە جاتقان رومانس ورىنداۋشىلارىنىڭ اشىق بايقاۋىن ٶتكٸزۋ سوناۋ 1997 جىلى قولعا الىنعان بولاتىن. وسى جىلدار اراسىندا تالاي تالانتتاردىڭ توماعاسىن سىپىرعان بايقاۋ 2003 جىلدان باستاپ حالىقارالىق كونكۋرس مەرتەبەسٸنە يە بولدى. وسىنىڭ ٶزٸ بايقاۋدىڭ جوعارى دەڭگەيدە ۇيىمداستىرىلىپ, ەلدٸڭ ەرەكشە ىقىلاسىنا بٶلەنٸپ كەلە جاتقانىن ايقىندايدى»,- دەدٸ ۇلاسبەك سەدٸبەكۇلى.
كەزدەسۋ بارىسىندا سٶز العان قوناقتار قازاق رامانسياداسىنىڭ تاريحىنان سىر شەرتٸپ, ٶنەرگە ەرەكشە قولداۋ بٸلدٸرٸپ وتىرعان وبلىس ەكٸمٸنە العىستارىن جەتكٸزدٸ.
ايتا كەتەيٸك, بيىلعى بايقاۋعا قاتىسۋعا 16 مەن 27 جاس ارالىعىنداعى 50 ٷمٸتكەر ٶتٸنٸم بەرٸپتٸ. قازٸر بايقاۋدىڭ ٸرٸكتەۋ كەزەڭٸ ٶتٸپ جاتىر. ال رومانسيادا قورىتىندىسى 20 قازان ساعات كەشكٸ 19.00-دە «تٷركٸستان» سارايىندا ٶتەتٸن گالا-كونتسەرتپەن اياقتالادى.
