تۇرعىن ٷي قۇرىلىسىندا بيىلدىڭ بٸرٸنشٸ ايىندا 801 مىڭ شارشى مەتر باسپانا پايدالانۋعا بەرٸلدٸ. بۇل تۋرالى ٷكٸمەت وتىرىسىندا قاڭتار ايىنداعى ەلدٸڭ ەلەۋمەتتٸك-ەكونوميكالىق دامۋى تاقىرىبىن تالقىلاۋ كەزٸندە قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ مەلٸم ەتتٸ, دەپ حابارلايدى قازاقپارات.
«قۇرىلىس سالاسىندا ناقتى كٶلەم يندەكسٸ 2021 جىلدىڭ قاڭتار ايىندا 107 پايىز بولدى. بارلىق ٶڭٸردە وڭ ديناميكا بايقالادى. تۇرعىن ٷي قۇرىلىسىندا بيىلدىڭ بٸرٸنشٸ ايىندا 801 مىڭ شارشى مەتر باسپانا پايدالانۋعا بەرٸلدٸ. ياعني, 2020 جىلدىڭ سەيكەس كەزەڭٸمەن سالىستىرعاندا 109,4 پايىز بولدى», - دەدٸ مينيستر.
ونىڭ ايتۋىنشا, ەلٸمٸز بويىنشا بارلىعى 6 810 باسپانا پايدالانۋعا بەرٸلدٸ. بۇل كٶرسەتكٸش 16 ٶڭٸردە ارتتى.
«ٶتكەن جىلمەن سالىستىرعاندا تۇرعىن ٷيدٸ پايدالانۋعا بەرۋ كٶلەمٸ 16 ٶڭٸردە ارتتى. تەك ماڭعىستاۋ وبلىسىندا تيٸستٸ كٶرسەتكٸش 67,6 پايىزدى قۇرادى. جالپى بيىل ەلٸمٸزدە 17 ملن شارشى مەتر تۇرعىن ٷي سالىنادى. مەملەكەت باسشىسىنىڭ تاپسىرماسىنا سەيكەس تۇرعىن ٷي قۇرىلىسى كەزٸندە جەرگٸلٸكتٸ قامتۋ ٷلەسٸن ارتتىرۋعا تيٸسپٸز. بۇل بيزنەس ٷشٸن قۇرىلىس ماتەريالدارىنىڭ وتاندىق نارىعىن دامىتۋعا قوسىمشا مٷمكٸندٸك بەرەدٸ», - دەدٸ ب. اتامقۇلوۆ.
«سالاداعى قاجەتتٸلٸكتٸ ايقىنداۋ ماقساتىندا نەگٸزگٸ 24 پوزيتسييا بويىنشا قۇرىلىس ماتەريالدارى نارىعىنا تالداۋ جٷرگٸزٸلدٸ. بٷگٸنگٸ تاڭدا وتاندىق ٶندٸرۋشٸلەر 10 تاۋار پوزيتسيياسى بويىنشا ٸشكٸ نارىقتىڭ قاجەتتٸلٸگٸن تولىعىمەن ٶتەي الادى (تەمٸر-بەتون بۇيىمدارى, قۇرعاق قوسپا, قابىرعا بلوكتارى, كٸرپٸش جەنە ت. ب.). 11 پوزيتسييا بويىنشا ەلٸمٸزدٸڭ كەسٸپورىندارى شامامەن 50 پايىزدى قامتاماسىز ەتەدٸ (جىلۋ وقشاۋلاۋ, پروفيل قاڭىلتىر, پلاستيك قۇبىرلار جەنە ت. ب.). ال لينولەۋم, تٷسقاعاز, سانفايانس سيياقتى 3 پوزيتسييا بويىنشا ٸشكٸ نارىقتا ەزٸرگە ٶندٸرٸس جوق», - دەدٸ ۆەدومستۆو باسشىسى.
