بيىل ەلٸمٸزدە 1,5 مىڭنان استام جەمقورلىق قىلمىسى تٸركەلٸپ, 1280 ادام ەشكەرەلەندٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ وكق-دە ٶتكەن باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات.
«بيىل 11 ايدىڭ قورىتىندىسى بويىنشا ەلٸمٸزدە 1576 سىبايلاس جەمقورلىق قىلمىسى تٸركەلدٸ. ەڭ كٶبٸ 3 مەگوپوليستە تٸركەلٸپ وتىر, ولار - الماتى, نۇر-سۇلتان جەنە شىمكەنت قالاسى. سونداي-اق, تٷركٸستان, شقو جەنە جامبىل وبلىستارى دا بار. ال جەمقورلىق جيٸ جاسالاتىن سالالارعا كەلسەك, ول الدىمەن اۋىل شارۋاشىلىعى, بٸلٸم, تۇرمىستىق-كوممۋنالدىق شارۋاشىلىق, ەلەۋمەتتٸك قامتاماسىز ەتۋ جەنە دەنساۋلىق ساقتاۋ. سىبايلاس جەمقورلىق جاسادى دەگەن كٷدٸكپەن 1280 ادام ەشكەرەلەندٸ, ونىڭ 159-ى - ەرتٷرلٸ دەڭگەيدەگٸ باسشىلار», - دەدٸ مارات احمەتجانوۆ.
اگەنتتٸك تٶراعاسىنىڭ مەلٸمەتٸنشە, بيىل بٸر ۆيتسە-مينيستر, 13 ەكٸم جەنە ونىڭ ورىنباسارلارى, 4 سۋديا جەنە 28 وبلىستىق باسقارما باسشىسى پاراقورلىقپەن ۇستالدى.
«مەملەكەت بيۋدجەتٸنە كەلتٸرٸلگەن 20 ملرد تەڭگەدەن استام زالال ٶتەلدٸ. بٸراق بۇل قۇرعاق ساندار شىنايى جاعدايدى كٶرسەتپەيدٸ. بيىل جەمقورلىق ٸسٸ ٶتكەن جىلعا قاراعاندا 34 پايىزعا ازايىپ وتىر. ونىڭ ٶزٸندٸك سەبەپتەرٸ بار. بٸز بٷگٸندە سىبايلاس جەمقورلىقپەن كٷرەستە ٷشبۋىندى جۇمىس جٷيەسٸنە كٶشتٸك. قازٸر سىبايلاس جەمقورلىق ٸسٸ بويىنشا كٷدٸكتٸگە قاتىستى بارلىق پروتسەسۋالدى شەشٸمدەر پروكۋروردىڭ كەلٸسٸمٸنسٸز زاڭدى كٷشٸنە ەنبەيدٸ. تەرگەۋدٸڭ العاشقى كەزەڭٸنەن باستاپ, ٸس جابىلعانشا بٸرنەشە سٷزگٸدەن ٶتەدٸ», - دەيدٸ ول.
