2021 جىلى ارال تەڭٸزٸنٸڭ قۇرعاعان تابانىنا – شامامەن 100 مىڭ گەكتار جەرگە سەكسەۋٸل ەگٸلدٸ. بۇل تۋرالى قر ەگترم ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ مٸندەتٸن اتقارۋشى ەرلان قۇتپانباەۆ ايتىپ بەردٸ, دەپ حابارلايدى قازاقپارات.
«عالىمداردىڭ زەرتتەۋلەرٸ بويىنشا, ارال تەڭٸزٸنٸڭ قۇرعاعان تابانىنىڭ اۋدانى 4,5 ملن گەكتاردى قۇرايدى, ونىڭ 2,2 ملن گەكتارى قازاقستان اۋماعىندا ورنالاسقان. ارال تەڭٸزٸنٸڭ جوعالۋى – قازاقستاننىڭ عانا ەمەس, بٷكٸل ەلەمنٸڭ پروبلەماسى. تەڭٸزدٸڭ قۇرعاۋىنا بايلانىستى جىل سايىن 100 ميلليون تونناعا دەيٸن تۇز, شاڭ جەنە قۇم پايدا بولادى, ولار قۇمدى جەنە تۇزدى داۋىلدارمەن ەۋروپا مەن انتاركتيكاعا دا جەتۋٸ مٷمكٸن. توپىراقتىڭ سورتاڭدانۋى مەن توزۋى, شٶلدٸڭ ۇلعايۋى ٶسٸمدٸكتەر مەن جانۋارلار ەلەمٸنٸڭ دامۋىنا جەنە وسى ايماقتاعى جەرگٸلٸكتٸ حالىقتىڭ دەنساۋلىعىنا كەرٸ ەسەرٸن تيگٸزەدٸ. مەملەكەت باسشىسىنىڭ ارال تەڭٸزٸنٸڭ قۇرعاعان تابانىنا سەكسەۋٸل كٶشەتتەرٸن وتىرعىزۋ تاپسىرماسىن ورىنداۋ شەڭبەرٸندە 2025 جىلعا دەيٸن تەڭٸز تابانىنداعى 1,1 ملن گەكتار القاپقا سەكسەۋٸل وتىرعىزۋدىڭ قادامدىق كەستەسٸ ەزٸرلەنٸپ, بەكٸتٸلدٸ. بيىل سەكسەۋٸل كٶشەتتەرٸ 100 مىڭ گا القاپتا جٷرگٸزٸلدٸ, 2022-2025 جىلدارى جىل سايىن 250 مىڭ گەكتارعا ەگٸزٸپ وتىرادى», – دەدٸ ەرلان قۇتپانباەۆ.
مەملەكەت باسشىسىنىڭ تاپسىرماسىن جٷزەگە اسىرۋ ٷشٸن مينيسترلٸك ورمان ٶسٸرۋ جۇمىستارىن ٷيلەستٸرۋ شتابىن جەنە رەسپۋبليكالىق كوميسسييانى قۇرعان. قازٸرگٸ ۋاقىتتا 100 مىڭ گەكتار القاپقا سەكسەۋٸل وتىرعىزۋ بويىنشا 2021 جىلعى جوسپار تولىق ورىندالدى, ونىڭ ٸشٸندە 64 مىڭ گەكتار القاپ كٶشەتتەرٸ مينيسترلٸك كٷشٸمەن, 36 مىڭ گەكتار القاپ – قىزىلوردا وبلىسى ەكٸمدٸگٸنٸڭ كٷشٸمەن جٷرگٸزٸلگەن.
جالپى فيتوورمانمەليوراتسييالىق جۇمىستاردى جٷرگٸزۋ كەزٸندە ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ «رەسپۋبليكالىق ورمان سەلەكتسييالىق-تۇقىم ٶسٸرۋ ورتالىعى» رمقك قىزمەتكەرلەرٸ جەنە وبلىس ەكٸمدٸگٸنٸڭ ورمان شارۋاشىلىعى مەكەمەلەرٸ دايىنداعان 230 توننا سەكسەۋٸل تۇقىمى جۇمسالدى. سونداي-اق, تۇقىم دايىنداۋ ٷشٸن ماۋسىمدىق جۇمىسقا 718 ادام قابىلداندى, مەحانيكالاندىرىلعان ەگٸستٸكتٸ جٷرگٸزۋ ٷشٸن 51 ادام جۇمىلدىرىلعان.
«اەروەگۋ بويىنشا بيىلعى جوسپاردى ۋاقىتىلى ورىنداۋ ٷشٸن قىركٷيەكتەن جەلتوقسان ايىنا دەيٸن ارالدىڭ قۇرعاعان تابانىنا 35 دانا تەحنيكا جۇمىلدىرىلدى. ونىڭ ٸشٸندە: 15 دانا ت-150 تراكتورى, جانار-جاعارماي مەن اۋىز سۋدى تاسىمالداۋعا ارنالعان 6 جٷك اۆتوماشيناسى, جۇمىسشىلاردى تاسىمالداۋعا ارنالعان 4 جوعارى ٶتٸمدٸ اۆتوماشينا, 6 ۆاگون جەنە 4 موتوتسيكل بار. سونداي-اق, 2022 جىلى اەروەگۋ ٶتكٸزۋ ٷشٸن جالپى اۋدانى 64 مىڭ گەكتار توپىراق دايىندالدى», - دەيدٸ ەرلان قۇتپانباەۆ.
قازٸرگٸ ۋاقىتتا مينيسترلٸك حالىقارالىق دونورلاردى, ونىڭ ٸشٸندە دٷنيەجٷزٸلٸك بانكتٸ, حالىقارالىق ىنتىماقتاستىق جٶنٸندەگٸ گەرمانييا قوعامىن (GIZ), اقش حالىقارالىق دامۋ جٶنٸندەگٸ اگەنتتٸگٸن (USAID) جەنە باسقا دا حالىقارالىق ۇيىمداردى ارالدىڭ قۇرعاعان تابانىنا توپىراق-ٸزدەستٸرۋ جەنە كونسۋلتاتسييالىق جۇمىستار جٷرگٸزۋ, قىزىلوردا وبلىسىنىڭ ورمان مەكەمەلەرٸنٸڭ ماتەريالدىق-تەحنيكالىق بازاسىن نىعايتۋ بٶلٸگٸنە تارتۋ جۇمىستارىن جٷرگٸزٸپ جاتىر.
