قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆتٸڭ ايتۋىنشا, اقمولا وبلىسىنىڭ ارشالى جەنە تسەلينوگراد اۋداندارىندا جىل سايىن تاسقىن قاۋپٸ تۋىنداۋىنا انتروپوگەندٸك پروتسەس سەبەپكەر بولىپ وتىر. بۇل تۋرالى ول ٷكٸمەت وتىرىسىندا ايتتى, دەپ حابارلايدى قازاقپارات.
«بيىل تاعى 6 سۋ قويمانى قالپىنا كەلتٸرۋدٸ جوسپارلاپ وتىرمىز. قالعان 19-ى 2025 جىلدىڭ سوڭىنا دەيٸن قالپىنا كەلتٸرٸلەدٸ», - دەگەن مينيستر كەيٸنگٸ جىلدارى كٶكتەمگٸ سۋ تاسقىنىنا تابيعي جاعدايلار عانا ەمەس, انتروپوگەندٸك پروتسەسستەر دە تٷرتكٸ بولىپ جاتقانىن اتاپ ٶتتٸ.
«مەسەلەن, جىل سايىن سۋ تاسقىنى كەزەڭٸندە اقمولا وبلىسىنىڭ ارشالى جەنە تسەلينوگراد اۋداندارىنداعى ەسٸل جەنە نۇرا ٶزەندەرٸنٸڭ ارناسىمەن استانا سۋ قويماسىنان جٸبەرۋ كەزٸندە سۋ باسقان ارنانىڭ ٶتكٸزۋ قابٸلەتٸنٸڭ بولماۋىنا بايلانىستى ٸرگەلەس اۋماقتى سۋ باسۋ قاۋپٸ تۋىنداۋدا.
اتالعان جاعدايلار قاراعاندى (نۇرا ٶزەنٸ), سولتٷستٸك قازاقستان (سٸلەتٸ, ەسٸل ٶزەندەرٸ) جەنە قوستاناي وبلىستارى (توبىل ٶزەنٸ) اۋماعىندا ورىن الۋدا», - دەدٸ ول ٷكٸمەت وتىرىسىندا.
مينيستر وسىعان بايلانىستى ەكٸمدٸكتەرگە اقمولا, قاراعاندى, قوستاناي جەنە سولتٷستٸك قازاقستان وبلىستارىنداعى پروبلەمالىق ۋچاسكەلەردە ٶزەن ارنالارىن تازارتۋدى ۇيىمداستىرۋ كەرەكتٸگٸن ايتادى.
سونداي-اق, ول جەرگٸلٸكتٸ ەكٸمدٸكتەرگە كوممۋنالدىق مەنشٸكتەگٸ گيدروتەحنيكالىق قۇرىلىستاردىڭ جاي-كٷيٸنە نازار اۋدارىپ, كوممۋنالدىق مەنشٸكتەگٸ سۋ قويمالارىن تاسقىن سۋلاردى قابىلداۋعا دايىنداۋ قاجەتتٸگٸن ەسكە سالدى.
