فوتو: استانا قالاسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى
كٶپشٸلٸكتٸڭ نازارىن اۋدارعان اتىشۋلى بيشٸمباەۆتىڭ سوتى اياقتالۋعا جاقىن. استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٶتٸپ جاتقان سوت پروتسەسٸندە بٷگٸن ەكٸ ايىپتالۋشى – قۋاندىق بيشٸمباەۆ پەن باقىتجان بايجانوۆ سوڭعى سٶزٸن ايتتى, دەپ حابارلايدى «ۇل اقپارات».
قۋاندىق بيشٸمباەۆ بۇعان دەيٸن العا تارتقان فاكتٸلەردٸ تاعى بٸر مەرتە ەسكە سالىپ, سالتانات نٷكەنوۆانى قاتىگەزدٸكپەن ٶلتٸرمەگەنٸن جەتكٸزدٸ.
سٶز اراسىندا ەكٸنشٸ دٷنيەجٷزٸلٸك سوعىس كەزٸندە فاشيستٸك گەرمانييانىڭ ناسيحات مينيسترٸ بولعان گەببەلستٸڭ «ٶتٸرٸك سۇمدىق بولعان سايىن وعان سەنۋ وڭاي» دەگەن پٸكٸرٸن قوسىپ, ەلەۋمەتتٸك جەلٸلەر ارقىلى بٷكٸل قوعام ٶزٸن قارالاپ جاتقانىن اتاپ ٶتتٸ.
«مەن كٸنەلٸمٸن. مويىندايمىن. بٸراق قاساقانا ٶلتٸرگەن جوقپىن. مەن سالتاناتتىڭ جەنە ٶزٸمنٸڭ تۋعان-تۋىستارىنان كەشٸرٸم سۇراپ, القا بيلەر ەدٸل شەشٸم شىعاراتىنىنا سەنەم», - دەدٸ بيشٸمباەۆ.
باقىتجان بايجانوۆ تا سوتتاعى سوڭعى سٶزٸن ايتىپ, سالتاناتتىڭ ٶلٸمٸن جاسىرۋ بىلاي تۇرسىن, ٶلٸم اۋزىندا جاتقانىن بٸلمەگەنٸن العا تارتتى.
«يە, قىزمەتكەرلەردٸ ٷيلەرٸنە قايتارىپ, مەيرامحانانى جاۋىپ, بەينەجازبالاردى ٶشٸرۋدٸ بۇيىرعانىمدى جاسىرمايمىن. بٸراق مەن سول كەزدە اۋىر قىلمىس جاسالعانىن بٸلدٸم بە? انت ەتەمٸن. بٸلمەدٸم. ەگەر بٸلگەندە قىلمىستى جاسىرۋ ەرەكەتتەرٸنٸڭ ەشقايسىسىن جاسامايتىن ەدٸم. سالتاناتتىڭ تۋعان-تۋىستارىنان تاعى دا كەشٸرٸم سۇرايمىن. جاتقان جەرٸ جايلى بولسىن», – دەدٸ بايجانوۆ.
سوت پروتسەسٸ 10 مامىردا جالعاسادى.
