قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ «جەتكٸلٸكتٸك شەگٸنە» قاتىستى تٷسٸنٸك بەردٸ , دەپ حابارلايدى قازاقپارات.
«ەل پرەزيدەنتٸ ٶزٸنٸڭ جولداۋىندا ەلەۋمەتتٸك سالاعا قاتىستى بٸرقاتار تاپسىرما بەرگەن بولاتىن. سونىڭ ٸشٸندە حالىق تاراپىنان باسىم قىزىعۋشىلىق تانىتقان بٸرىڭعاي زەينەتاقى جيناقتاۋشى قورىنان ازاماتتار ٶزٸنٸڭ جيناعىنىڭ بٸر بٶلٸگٸن تۇرعىن ٷي مەسەلەسٸن شەشۋگە, ەمدەلۋگە جەنە باسقا دا زەينەتاقى باسقارۋ كومپانييالارىنا ينۆەستيتسييالاۋ ٷشٸن اۋدارۋ مٷمكٸندٸگٸنە قاتىستى بولىپ وتىر. بٸرٸنشٸدەن, ونداي مٷمكٸندٸككە ەڭبەككە قابٸلەتتٸ, ياعني زەينەت جاسىنا جەتپەگەن, اتالعان قوردا جيناقتارى بار ازاماتتار يە بولادى. ولار ٶزدەرٸنٸڭ «جەتكٸلٸكتٸك شەگٸنەن» اساتىن قاراجاتىن تولىعىمەن اتالعان ماقساتتارعا پايدالانا الادى. بۇل تۇرعىدا نەگٸزگٸ مەسەلە – ول «جەتكٸلٸكتٸك شەگٸ». ول نە ٷشٸن بەلگٸلەنەدٸ, قالاي ەسەپتەلەدٸ? بٸرٸنشٸدەن, ەلٸمٸزدە 1998 جىلدان باستاپ جيناقتاۋشى زەينەتاقى جٷيەسٸ ەنگٸزٸلگەن. ەر ازامات ٶز جالاقىسىنان 10 پايىزدىق جارنانى قورعا اۋدارىپ كەلەدٸ», - دەپ توقتالدى مينيستر ورتالىق كوممۋنيكاتسييالار قىزمەتٸندە.
وسى ورايدا ب. نۇرىمبەتوۆ زەينەتكە جەتكەن ازامات ٷشٸن زەينەتاقى الۋدىڭ ٷش كٶزٸ قالىپتاسقانىن ەسكە سالدى. بۇل تۇرعىدا مەمەكەتتٸك بيۋدجەت ەسەبٸنەن جاسىنا كەلگەن زەينەتاقى جەنە بازالىق زەينەتاقىلىق تٶلەم, سونداي-اق زەينەتاقى جيناقتاۋشى قورىنان جينالعان قارجى ەسەبٸنەن زەينەتاقى قامتىلعان.
«بۇل رەفورما 1998 جىلدان باستالعانىن ەسكەرسەك, جىلدار ٶتكەن سايىن زەينەتاقى جيناقتاۋشى قورىنان الاتىن زەينەتاقىنىڭ ٷلەس سالماعى دا ٶسەدٸ. بولجام بويىنشا 2040 جىلدان كەيٸن زەينەت جاسىنا جەتكەن بٸزدٸڭ ازاماتتارىمىز ٷشٸن جيناقتاۋشى قوردان الاتىن زەينەتاقىسى نەگٸزگٸ كٶزٸ بولادى. سوندىقتان جيناقتاۋ جٷيەسٸنٸڭ نەگٸزگٸ ماقساتى – ول ازاماتتار ٶزٸنە زەينەتكەرلٸككە قاراجات جينايدى. وسىعان بايلانىستى بولاشاقتا زەينەتاقىعا جەتەتٸن قاراجات ەر ادامنىڭ سول قورداعى ەسەپ-شوتىندا قالۋى تيٸس. وسى تۇرعىدا «جەتكٸلٸكتٸك شەگٸ» بەلگٸلەنەدٸ», - دەپ تٷسٸندٸردٸ ۆەدومستۆو باسشىسى.
«قاجەتتٸلٸك شەگٸن ەسەپتەۋ تەرتٸبٸ رەسمي ٷكٸمەتتٸڭ ارنايى قاۋلىسىمەن بەكٸلەتٸن بولادى. وسى كٷنگە دەيٸن ونىڭ مٶلشەرٸن ەر جاسقا ەسەپتەپ حابارلاعان ەدٸك. «جەتكٸلٸكتٸلٸك شەگٸنٸڭ» نەگٸزگٸ پارامەترلەرٸ ەيەلدەر مەن ەرلەر ٷشٸن بٸرىڭعاي مٶلشەردە قارالدى. «جەتكٸلٸكتٸلٸك شەگٸ» دەگەنٸمٸز – ول ەرتەڭ زەينەت جاسىنا جەتكەندە زەينەتاقى جيناقتاۋ قورىنان ەڭ كەم دەگەندە تٶمەنگٸ مٶلشەردە زەينەتاقى الۋعا مٷمكٸندٸك بەرەتٸن سوما. ٶز كەزەگٸندە ونى ەر جاس شاماسىنا قاراي ەسەپتەدٸك. جاس ازامات زەينەت جاسىنا دەيٸن كەمٸندە ەڭ تٶمەنگٸ جالاقى الىپ, سونىڭ 10 پايىزىن اۋدارىپ وتىرسا, كەيٸن زەينەت جاسىنا جەتكەننەن سوڭ, ەڭ تٶمەنگٸ زەينەتاقى الۋعا مٷمكٸندٸك بەرەتٸن «جەتكٸلٸكتٸك شەگٸ» قاراستىرىلدى», - دەدٸ بٸرجان نۇرىمبەتوۆ.
سونىمەن قاتار ول اتالعان مٷمكٸندٸكتٸ زەينەت جاسىنا جەتكەن كٸسٸلەر دە پايدانالانا الاتىنىن اتاپ ٶتتٸ.
«ول زەينەت جاسىنا جەتٸپ وتىر, مەملەكەتتەن زەينەتاقى الادى جەنە جيناقتاۋشى قورىنان زەينەتاقى الىپ جٷرگەن ادامدار وسى قوردا قالعان قاراجاتىنىڭ 50 پايىزىنا دەيٸن الادى», - دەدٸ مينيستر.
بۇدان بۇرىن حابارلانعانداي, 2021 جىلدىڭ 1 قاڭتارىنان باستاپ قازاقستان ازاماتتارى بٸرىڭعاي جيناقتاۋشى زەينەتاقى قورىنداعى جيناقتارىنىڭ بٸر بٶلٸگٸن پايدالانا الادى.
وسىعان وراي قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەل ازاماتتارىنىڭ زەينەتاقى جيناقتارىن پايدالانۋ ٷشٸن «جەتكٸلٸكتٸلٸك شەگٸن» جارييالادى.
