قازاقستاندا جۇمىس ٸستەيتٸن ازاماتتاردىڭ ەڭبەكاقىسىنان ۇستالاتىن 10 پايىزدىق مٸندەتتٸ جارنا مەن ەرٸكتٸ تٷردە اۋداراتىن قارجىلارى جيناقتالاتىن بٸرىڭعاي جيناقتاۋشى زەينەتاقى قورى (بجزق) "قازاگرو" حولدينگٸنە تاعى دا ينۆەستيتسييا سالدى. زەينەتاقى قورى ۇلتتىق باسقارۋشى حولدينگٸنە ەگٸس ناۋقانىنا استىق ساتىپ الۋعا 8,3 ميلليارد تەڭگە (21 ميلليون دوللاردان استام) بٶلگەن. بۇل تۋرالى 3 قىركٷيەكتە ٷكٸمەتتە ٶتكەن باسپاسٶز جيىنىندا "قازاگرو" قۇرامىنداعى "ازىق-تٷلٸك كەلٸسٸمشارت كورپوراتسيياسى" ۇلتتىق كومپانيياسىنىڭ تٶراعاسى رينات اقبەردين حابارلادى.
- بجزق 200 مىڭ توننا استىق ساتىپ الۋعا قارجى بٶلگەن. بۇل قارجى جۇمسالىپ, استىق ساتىلدى, قازٸر وسى اقشانى استىق ساتىپ الۋعا تاعى پايدالانامىز. "قازاگرو" بۇعان 10 پايىزعا جۋىق (اقشا) تٶلەيدٸ دەپ ويلايمىن, - دەگەن قازاقستان اۋىل شارۋاشىلىعى مينيسترٸ ساپارحان وماروۆ.
"قازاگرو" بۇعان دەيٸن دە, 2018 جىلعى قاراشادا بجزق قارجىسىن پايدالانعان. ول كەزدە زەينەتاقى قورى ۇلتتىق باسقارۋشى حولدينگٸنە بٶلگەن 450 ميلليارد تەڭگە (1,2 ميلليارد دوللاردان كٶپ) اقشاعا وبليگاتسييا ساتىپ الىنعان. زەينەتاقى قورىنىڭ قارجىسى 10 پايىزدىق مٶلشەرلەمەمەن 15 جىلعا قارىزعا بەرٸلگەن. ۇلتتىق بانك "بۇل ينۆەستيتسييا زەينەتاقى سالىمشىلارىنا جىل سايىن ەدەۋٸر ينۆەستيتسييالىق تابىس ەكەلەدٸ" دەپ مەلٸمدەگەن.
بيىل شٸلدەدە قازاقستان پرەزيدەنتٸ قاسىم-جومارت توقاەۆ "قازاگرو" جوبالارىنىڭ اۋقىمدى بٶلٸگٸ (40 پايىزعا جۋىعى) جۇمىس ٸستەمەيتٸندٸگٸن سىناپ, 2018 جىلدىڭ قورىتىندىسى بويىنشا "قازاگرو" كومپانيياسىنىڭ شىعىنى 120 ميلليارد تەڭگەدەن (308 ميلليون دوللار) اسىپ كەتتٸ دەپ مەلٸمدەگەن.
2006 جىلى قۇرىلعان "قازاگرو" حولدينگٸ - قارجى مينيسترلٸگٸنٸڭ مەملەكەتتٸك مٷلٸك پەن جەكەشەلەندٸرۋ كوميتەتٸنە قارايتىن, تولىقتاي مەملەكەتكە تيەسٸلٸ كومپانييا. 13 جىلدىڭ ٸشٸندە حولدينگ بٸرنەشە رەت داۋعا قالعان. ەر جىلدارى ۇلتتىق كومپانييانىڭ جوعارى لاۋازىمدى قىزمەتكەرلەرٸ جەمقورلىق, اقشا جىمقىرۋ ايىبىمەن سوتتالدى.
قازاقستان زاڭى بويىنشا, جۇمىس ٸستەيتٸن ازاماتتار اي سايىن تابىسىنىڭ 10 پايىزىن بجزق-عا اۋدارىپ وتىرۋعا مٸندەتتٸ. 2019 جىلعى تامىزداعى ەسەپ بويىنشا, زەينەتاقى قورىنىڭ اكتيۆتەرٸ 10 تريلليون تەڭگەنٸ قۇراعان. قور جۇمىسىن سىناپ جٷرگەن كەي ساراپشىلار قازاقستاندىقتاردىڭ زەينەتاقى سالىمدارى دەفولتقا شاق قالعان ەميتەنتتەردٸڭ وبليگاتسييالارىن ساتىپ الۋعا جەنە بيۋدجەت تاپشىلىعىن قارجىلاندىرۋعا جۇمسالىپ, تيٸمسٸز پايدالانىلىپ كەلەدٸ دەيدٸ. بجزق اكتيۆتەرٸن باسقاراتىن ۇلتتىق بانك مۇنداي سىنمەن كەلٸسپەيدٸ.
