دەنساۋلىق ساقتاۋ مينيسترٸ ەلجان بٸرتانوۆ تەمەكٸ مەن الكوگول ٶنٸمدەرٸن ساتۋشىلارعا قوسىمشا سالىق سالىپ, ودان تٷسكەن قاراجاتتى مەمس قورىنا اۋدارۋدى ۇسىندى, دەپ حابارلايدى قازاقپارات.
«پارلامەنتتە تەمەكٸ ٶنٸمدەرٸنە قاتىستى ۇسىنعان ٶزگەرٸستەرٸمٸز ۇزاق تالقىلاناتىنىن سەزٸپ وتىرمىن. سەبەبٸ, ولاردىڭ لوببيٸ ايتارلىقتاي مىعىم. قازاقستان تٷگٸلٸ, ەلەمدە وسىلاي. دامىعان ٸرٸ مەملەكەتتەر تەمەكٸ ٶنٸمدەرٸن بەلگٸلٸ بٸر دەرەجەدە شەكتەي الماي وتىرعاندا, قازاقستاننىڭ ٷكٸمەتٸ مەن دەنساۋلىق ساقتاۋ مينيسترلٸگٸ ٷشٸن بۇل شارۋانى ەڭسەرۋ تٸپتەن قيىن. سول ٷشٸن قوعامنىڭ, پاتسيەنتتٸك ۇيىمداردىڭ, ٷكٸمەتتٸك ەمەس ۇيىمداردىڭ قولداۋىنان ٷمٸتتٸمٸز. پارلامەنتكە تەمەكٸ ٶنٸمدەرٸن تۇتىنۋدى شەكتەۋگە, ونى ودان ارى قاتاڭ باقىلاۋعا قاتىستى ۇسىنىستار بەرٸلەدٸ. ناقتى وسى فاكتورلار حالىقتىڭ دەنساۋلىعىنا زور ەسەرٸن تيگٸزەتٸنٸن كٶرٸپ وتىرمىز», - دەدٸ ەلجان بٸرتانوۆ ٶتٸپ جاتقان ونكولوگيياداعى دٷنيەجٷزٸلٸك كٶشباسشىلار سامميتٸندە تٸلشٸلەردٸڭ سۇراعىنا جاۋاپ بەرە وتىرىپ.
مينيستردٸڭ ايتۋىنشا, تەجٸريبە كٶرسەتٸپ وتىرعانداي, تەمەكٸ جايلى جارنامانى شەكتەۋ, سٶزسٸز, تۇتىنۋ مەن ساتىلىم كٶرسەتكٸشٸن قىسقارتۋعا زور سەرپٸنٸن تيگٸزەدٸ.
«بٸز ەلٸ دە تەمەكٸ ٶنٸمدەرٸنٸڭ جارنامالانۋىن شەكتەۋدٸ ماقسات ەتەمٸز. سەبەبٸ, جارنامانى شەكتەۋ ەسٸرەسە جاستار اراسىندا تەمەكٸ شەگۋ كٶرسەتكٸشٸن ازايتادى. تەمەكٸگە كەلگەندە جارنامانىڭ جاستارعا كٶبٸرەك ەسەر ەتەتٸنٸن بايقادىق. ەلبەتتە, ەركٸن قۇقىقتى شەكتەگٸمٸز كەلمەيدٸ. ادامدار اينالىپ كەلگەندە شەشٸمدٸ ٶزدەرٸ قابىلداۋى كەرەك. دەسە دە, ەڭ ماڭىزدى قاعيدات – شەشٸم ويلى بولۋى تيٸس. ەرتٷرلٸ ٶنٸم جايلى اقپارات كٶبٸرەك بولسا دەيمٸز. قازٸر التەرناتيۆتٸ تەمەكٸ ٶنٸمدەرٸنٸڭ دە ادام دەنساۋلىعىنا قانشالىقتى زييان ەكەنٸ ايتىلىپ جاتىر. سول سەبەپتٸ, بٸز بۇل مەسەلەنٸ تالقىلاپ, ورتاق شەشٸمگە كەلۋٸمٸز كەرەك», - دەدٸ ەلجان بٸرتانوۆ.
مينيستر سونىمەن قاتار, ٷكٸمەتتٸك دەڭگەيدە حالىق تەمەكٸنٸ ازىراق شەگۋ ٷشٸن ناقتى قانداي قادام جاساۋعا بولاتىنىنا قاتىستى بولجام جاسادى.
«بٸرٸنشٸدەن, تەمەكٸ شەگۋگە تىيىم سالىناتىن ورىنداردى كٶبەيتۋ كەرەك. ەكٸنشٸدەن, سالىقتى ارتتىرعان ابزال. دەنساۋلىق ساقتاۋ جٷيەسٸن دامىتۋدىڭ جاڭا مەملەكەتتٸك باعدارلاماسى ارقىلى تەمەكٸ مەن ٸشٸمدٸككە قوسىمشا سالىقتاردى سالۋدى ۇسىنامىز. ول سالىقتان تٷسكەن قاراجاتتى «مٸندەتتٸ ەلەۋمەتتٸك-مەديتسينالىق ساقتاندىرۋ» قورىنا اۋدارۋ كٶزدەلەدٸ. كٶپتەگەن ەلدە مۇنداي تەجٸريبە بار. تاباك پەن الكوگولگە تٷسكەن سالىقتان بۇلاردىڭ باعاسى قىمباتتاي تٷسەدٸ دە, تيٸسٸنشە, ونى تۇتىنۋ ازايادى. ونىمەن بٸرگە, اكتسيزدەر مەن سالىقتار تٸكەلەي حالىقتىڭ دەنساۋلىعىنا جاقسارتۋعا, ناقتى باعدارلامالارعا اۋدارىلادى», - دەدٸ ول.
ەسكە سالا كەتسەك, ەلوردادا ونكولوگيياداعى دٷنيەجٷزٸلٸك كٶشباسشىلار سامميتٸ ٶتٸپ جاتىر. فورۋم جۇمىسىنا حالىقارالىق وبىرعا قارسى وداق (UICC) پرەزيدەنتٸ, جوعارى مەرتەبەلٸ حانشايىم دينا مايرەد, قازاقستان دەنساۋلىق ساقتاۋ مينيسترٸ ەلجان بٸرتانوۆ قاتىسۋدا.
سامميتتە ايتىلعانىنداي, ەلجان بٸرتانوۆ زاڭنامالىق تۇرعىدا ەلەكتروندى سيگارەتتەردٸ تەمەكٸلەرگە تەڭەستٸرۋدٸ كٶزدەپ وتىر.
