جرۆي بەلگٸلەرٸ بولعان جاعدايدا ەمحاناعا بارماي, جەدەل جەردەم شاقىرتۋ كەرەك. بۇل تۋرالى ەلدەگٸ كوروناۆيرۋس جاعدايى جايلى ونلاين بريفينگتە ايتىلدى, دەپ حابارلايدى قازاقپارات.
«مەيٸرٸم» ەمحاناسىنداعى جاعدايعا كەلسەك, ناۋقاس ٶز ەركٸمەن دەرٸگەر كٶمەگٸنە جٷگٸنگەن. ەمحاناداعى مەديتسينالىق قىزمەتكەر ونىمەن بايلانىستا بولعان, سول سەبەپتٸ جرۆي بەلگٸلەرٸ بولعان جاعدايدا ەمحاناعا بارماي, جەدەل جەردەم شاقىرتۋدى ٶتٸنەمٸز. ٷش اي بۇرىن ەمحاناعا بارۋعا كەڭەس بەرسەك, قازٸر ەلورداداعى جاعدايعا بايلانىستى ولاي كەڭەس بەرە المايمىز. وسى مەسەلەگە بايلانىستى ەكٸ اي بويى سەمينار ٶتكٸزٸپ جاتىرمىز, بٸراق ٶكٸنٸشكە قاراي كەي مەديتسينالىق ۇيىمدار بۇعان نازار اۋدارماي, قىزمەتكەرلەرٸنٸڭ باسىن قاتەرگە تٸگٸپ قويادى. بۇل جاعداي ولارعا ساباق بولۋى كەرەك» , - دەيدٸ قر دەنساۋلىق ساقتاۋ مينيسترٸ ەلجان بٸرتانوۆ.
ول ونكولوگييالىق ورتالىقتا ۆيرۋس جۇقتىرعان جاعدايعا قاتىستى دا پٸكٸر بٸلدٸردٸ.
«بۇل جەردە دە ۆيرۋس ناۋقاستان جۇقپاعان. قازٸرگٸ ۋاقىتتا ەپيدەميولوگييالىق تەكسەرۋ جٷرگٸزٸلٸپ جاتىر. الدىن الا اقپارات بويىنشا, ول مامانداندىرىلعان ەمەس, قاراپايىم كٶپسالالى اۋرۋحانا بولعان. پەرسونال اراسىندا ۆيرۋس جىلدام جۇققان. قازٸرگٸ ۋاقىتتا ەمحانا جابىلدى. بٸزدٸڭ ماقسات – ەڭ الدىمەن ول جەردە جاتقان ناۋقاستاردى ەمدەپ, قاۋٸپسٸزدٸگٸن قامتاماسىز ەتۋ. ول جەردەگٸ بارلىق قىزمەتشٸنٸ تەكسەرٸپ, كوروناۆيرۋس انىقتالعاندارى اۋرۋحاناعا جاتقىزىلدى. ەندٸ ول ەمحانا تولىق جابىلىپ, تولىق دەزينفەكتسييا جاسالادى», - دەيدٸ ول.
