قىتايدان ساراپشىلاردىڭ كەلۋٸ – قازاقستاندا كوروناۆيرۋس ينفەكتسيياسىمەن كٷرەستە مەملەكەت باسشىسىنىڭ قابىلداعان ۋاقىتىلى ەرٸ ناقتى شەشٸمٸ بولىپ وتىر.
دەنساۋلىق ساقتاۋ مينيسترلٸگٸ شەتەلدەن كەلگەن مەديتسينالىق قىزمەتكەرلەر جايلى وسىنداي ۇستانىمدا ەكەنٸن جارييا ەتتٸ, دەپ حابارلايدى "ۇلت اقپارات".
قازاقستان رەسپۋبليكاسىنىڭ دەنساۋلىق ساقتاۋ مينيسترٸ ەلجان بٸرتانوۆ مەملەكەت باسشىسىنىڭ كەلٸسٸمٸ اياسىندا نۇر-سۇلتانعا كەلگەن قىتايلىق دەرٸگەرلەرمەن ونلاين-كەزدەسۋ ٶتكٸزدٸ. بۇل تۋرالى ۆەدومستۆونىڭ Facebook پاراقشاسىنان مەلٸم بولدى.
«مينيستر قازاقستان ٷكٸمەتٸنٸڭ اتىنان قىتاي دەرٸگەرلەرٸنٸڭ دەلەگاتسيياسىن قارسى الىپ, قىتاي ٷكٸمەتٸنٸڭ COVID-19-عا قارسى ٸس-قيمىلدا كٶرسەتكەن قولداۋى ٷشٸن العىسىن بٸلدٸردٸ. ەلجان بٸرتانوۆ بٷگٸن قازاقستان پرەزيدەنتٸنٸڭ تٶراعالىعىمەن تٶتەنشە جاعدايدى قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسى ٶتٸپ, وندا مەملەكەت باسشىسى تٶتەنشە جاعدايدى سەۋٸر ايىنىڭ سوڭىنا دەيٸن ۇزارتۋ تۋرالى شەشٸم قابىلداعانىن جەتكٸزدٸ», - دەپ حابارلايدى مينيسترلٸكتەن.
