قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس شىعۋىنا بايلانىستى جاپونييا جاعالاۋىندا وقشاۋلانعان كرۋيزدٸك لاينەردەگٸ قازاقستاندىقتاردىڭ جاي-كٷيٸنە قاتىستى دەرەكتەرٸمەن بٶلٸستٸ, دەپ حابارلايدى "ۇلت اقپارات".
«جاپونييانىڭ دەنساۋلىق ساقتاۋ مينيسترلٸگٸمەن تٸكەلەي بايلانىسىمىز بار. ولاردىڭ دەرەكتەرٸنە سەيكەس, دەل قازٸرگٸ ۋاقىتتا ولاردىڭ دا ۆيرۋس جۇقتىرعانى (كوروناۆيرۋستى) تۋرالى اقپارات جوق. مۇنان بٶلەك, ازاماتتارىمىزبەن دە تٸكەلەي بايلانىستامىز», - دەدٸ مينيستر ٷكٸمەت وتىرىسىنان كەيٸن.
ونىڭ اتاپ ٶتۋٸنشە, كرۋيزدٸك كەمەدەگٸ قازاقستاندىقتاردىڭ دەنساۋلىق جاعدايلارى جاقسى.
«قازٸرگٸ ۋاقىتتا بٸز سىرتقى ٸستەر مينيسترلٸگٸمەن بٸرگە ەلٸمٸزدٸڭ ازاماتتارىن قازاقستانعا جەتكٸزۋ مەسەلەسٸن پىسىقتاپ جاتىرمىز», - دەدٸ ەلجان بٸرتانوۆ.
ايتا كەتەرلٸگٸ, كەمە 5 اقپاننان بەرٸ كارانتيندە تۇر. كارانتين 19 اقپاندا اياقتالۋى تيٸس. ول اياقتالعان سوڭ, ازاماتتارىمىزدا كوروناۆيرۋس بەلگٸلەرٸ بولماسا كەمەدەن شىعارىلادى.
جاپونييا لاينەردەن بوساتىلعان جولاۋشىلاردى جەرگە تٷسكەننەن كەيٸن تاعى بٸر مەرتە تەكسەرۋدٸ جوسپارلاپ وتىر.
قر سىرتقى ٸستەر مينيسترلٸگٸنٸڭ مەلٸمەتٸ بويىنشا, كەمە بورتىندا قازاقستاندىق ەكٸ ەيەل مەن 8 جەنە 12 جاسار ەكٸ بالا بار. ولاردىڭ جاعدايى جاقسى, شاعىمدارى جوق. جولاۋشىلار تاماقپەن جەنە مەديتسينالىق قورعانۋ قۇرالدارىمەن قامتاماسىز ەتٸلگەن.
