حالىق دەنساۋلىعى كودەكسٸنٸڭ جاڭا نۇسقاسىنا قارسىلىق - پروگرەستەن قورقۋ. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«بٷگٸن ماعان WhatsApp جەلٸسٸ ارقىلى بٸرنەشە حابارلاما كەلدٸ. قوعامدىق بەلسەندٸلٸك تانىتىپ جٷرگەن ازاماتتار حالىق دەنساۋلىعى كودەكسٸنٸڭ جاڭا نۇسقاسىن پارلامەنتتەن كەرٸ قايتارىپ الۋ تۋرالى پەتيتسيياعا قول قويۋعا شاقىرىپتى. ياعني, ولاردىڭ بيىل كٷزدەن بەرٸ قاراي اتقارىلعان قىرۋار شارۋانى جوققا شىعارعىسى كەلەدٸ. مەنٸڭشە, مۇنىڭ استارىندا پروگرەستەن قورقۋ نەمەسە دەرٸگەرلەر مەن پاتسيەنتتەرگە بەرٸلەتٸن مٷمكٸندٸكتەردٸڭ مەنٸن جەتە تٷسٸنبەۋ سىندى ٷلكەن مەسەلە جاتىر. جالپى, بٸز ٶزگەرٸستەردەن قورقامىز, ٷيرەنگەن سٷرلەۋمەن جٷرە بەرگٸمٸز كەلەدٸ. بٸراق دەنساۋلىق ساقتاۋ سالاسىن دامىتقىمىز كەلسە ٶزگەرٸس جاساماي بولمايدى. كودەكس بٷگٸنگٸ قوعامنىڭ ٷزدٸك دەنساۋلىق ساقتاۋ جٷيەسٸنە كٶشۋگە دەگەن سۇرانىسىنا تولىق جاۋاپ بەرەدٸ», - دەپ جازدى مينيستر.
ەلجان بٸرتانوۆ ٶزٸ دە, دەنساۋلىق ساقتاۋ مينيسترلٸگٸ دە كودەكسكە قاتىستى تۋىنداعان ساۋالدارعا جاۋاپ بەرۋگە دايىن ەكەندٸگٸن اتاپ ٶتەدٸ.
«بارشاڭىزدى دٷيسەنبٸ, 23 جەلتوقسان كٷنٸ ساعات 11:00-دە استانا مەديتسينا ۋنيۆەرسيتەتٸندە ٶتەتٸن كەزدەسۋگە شاقىرامىن. كەزدەسۋ ۋاقىتى ٶزگەرٸپ جاتسا, وسى جەرگە جازامىن. كەلٸڭٸزدەر, بٸز بارلىق سۇراقتارعا جاۋاپ بەرۋگە دايىنبىز. ەگەر بۇل كەزدەسۋ ازدىق ەتسە, تۇراقتى تٷردە جٷزدەسٸپ تۇرايىق. سەبەبٸ, ەنگٸزٸلٸپ جاتقان رەفورمالار كٶپ, ال, جۇرتشىلىقتى مازالايتىن سۇراقتار ودان دا كٶپ», -دەدٸ ول.
