22 ماۋسىمدا دەنساۋلىق ساقتاۋ مينيسترٸ ەلجان بٸرتانوۆ اقمولا وبلىسى تسەلينوگراد اۋدانى قابانباي باتىر اۋىلىنداعى دەرٸگەرلٸك امبۋلاتورييادا جۇمىس ٸستەيتٸن جاس دەرٸگەرلەردٸڭ تۇرعىن ٷيٸنە قاتىستى پٸكٸرٸن Facebook-تە جارييالادى.
مينيستر جەرگٸلٸكتٸ ەكٸمدٸك «ديپلوممەن اۋىلعا» مەملەكەتتٸك باعدارلاماسى اياسىندا اۋىلعا 3 جىلعا جۇمىس ٸستەۋگە كەلەتٸن دەرٸگەرلەرگە «تۇرۋعا جارايتىنداي» ٷي بەرمەي وتىر دەگەن بولاتىن.
اراعا 1,5 اي سالىپ, قابانباي اۋىلىنداعى دەرٸگەرلەردٸڭ تۇرعىن ٷيٸن كٶرۋگە اتتاندىق. الدىمەن مينيستر ارالاعان ەكٸقاباتتى جەكەمەنشٸك عيماراتقا باردىق. بۇل جەردە كوممۋنالدىق شىعىنداردى قوسا ەسەپتەگەندە بٸر بٶلمەنٸڭ اقىسى – 35 مىڭ تەڭگە. دەرٸگەر جالداپ تۇرعان بٶلمە جابىق تۇردى.
ەرٸ قاراي امبۋلاتوريياعا جول تارتتىق. بٸر عانا دەرٸگەر بار ەكەن. ەسٸمٸ – ازات تەمٸربەكوۆ, جالپى تەجٸريبەلٸك دەرٸگەر. اتالعان جاتاقحانادا تۇرعان. بٸراق قازٸر جۇمىسقا نۇر-سۇلتاننان قاتىناپ جٷر.
«مينيستر كەلگەن كەزدە دەرٸگەر قىزبەن سٶيلەسكەن. قازٸر ول مامان الماتى قالاسىنىڭ تۇرعىنىنا تۇرمىسقا شىعىپ كٶشٸپ كەتتٸ. ول «ديپلوممەن اۋىلعا» باعدارلاماسىمەن 2 جىل بۇرىن كەلگەن. مينيسترگە جاقسى تۇرعىن ٷي بولسا دەگەن ٶتٸنٸش ايتادى. سودان كەيٸن ەلجان بٸرتانوۆ ەكٸقاباتتى جەكەمەنشٸك عيماراتقا بارعان. بٸراق قىز ول ٷيدە ەمەس, باسقا جاتاقحانادا تۇراتىن. ال مەن سول مينيستر بارعان جەكەمەنشٸك عيماراتتىڭ ەكٸنشٸ قاباتىندا 1 بٶلمەنٸ 35 مىڭ تەڭگەگە 6 ايداي جالداپ تۇردىم. كٶكتەمدە جىلۋ سٶندٸرٸلگەن ٷي قاتتى سۋىپ كەتٸپ, اۋىرىپ قالدىم. سودان كەيٸن كٶشۋگە تۋرا كەلدٸ. قازٸر نۇر-سۇلتاندا پەتەر جالداپ تۇرامىن. كٷنٸگە تاڭەرتەڭ كەلٸپ, كەشكە كەتەمٸن», - دەدٸ دەرٸگەر.
ازات تەمٸربەكوۆ اۋىلدىق ەكٸمدٸككە اپتا بۇرىن بارعان. ٷي مەسەلەسٸن شەشٸپ بەرۋٸن ٶتٸنگەن. 2 جىلدان بەرٸ ەشقانداي نەتيجە بولماعان. ەندٸ 1 جىلدان كەيٸن «وترابوتكا» مەرزٸمٸ دە اياقتالادى.
«2017 جىلى استانا مەديتسينا ۋنيۆەرسيتەتٸن بٸتٸردٸم. قوسشى اۋىلىندا 1 جىلداي دەرٸگەر بولدىم. كەيٸن وسىندا اۋىستىردى. مٸنە وسى امبۋلاتورييادا ٸستەپ جاتقانىما 1 جىل بولدى. ٷيمەن قامتاماسىز ەتكەن جوق. ٶزٸم تاۋىپ تۇردىم. مٷمكٸن 50% ٶتەپ بەرەر دەگەن ٷمٸت بولدى. ەكٸمدٸككە باردىم. ەشقانداي نەتيجە جوق. وسىدان اپتا بۇرىن عانا بارىپ, اۋىلدىق ەكٸمنٸڭ ورىنباسارىمەن سٶيلەستٸم. ەكٸم ورنىندا جوق ەكەن. ەكٸم كەلگەن سوڭ جاۋابىن ايتامىز دەگەن. قازٸر ەندٸ كٷندە قالادان كەلٸپ جۇمىس ٸستەيمٸن. سەبەبٸ مۇندا تۇراتىن جەر جوق. ۋنيۆەرسيتەتتە «اۋىلدىق كۆوتامەن» تەگٸن وقىعان سوڭ قازاقستاننىڭ اۋىلدىق جەرٸندە 3 جىل جۇمىس ٸستەۋ كەرەك. ەندٸ بٸر جىلىم قالدى», - دەدٸ جاس مامان.
اۋىلدىق امبۋلاتورييا
ايتۋىنشا, قازٸر امبۋلاتورييادا جالعىز ٶزٸ اۋىلدىقتاردى قابىلدايدى. بۇل اۋىلدا 9 مىڭ تۇرعىن بار. جۇمىسقا تۇرۋ ٷشٸن كەلەتٸن جاس ماماندار تۇراتىن جەر جوق دەپ كەتٸپ قالادى.
«بٸر بٶلٸمشەگە جالعىز دەرٸگەرمٸن. ەكٸنشٸ دەرٸگەر مەديتسينالىق پويىزبەن 8 ايعا كەتكەن. جاقىندا كەلۋ كەرەك. بٸرەۋٸ جاڭاعى مينيستر سٶيلەسكەن قىز, الماتىعا كٶشٸپ كەتتٸ. ەندٸ تاعى بٸر جاس مامان كەلە جاتىر دەپ ەستٸدٸك. 4 ۋچاستوككە 4 دەرٸگەر بولۋ كەرەك. كەشە جۇمىس ٸزدەپ جاس دەرٸگەر كەلدٸ, بٸراق ٷيمەن قامتاماسىز ەتپەيدٸ ەكەن دەپ كەتٸپ قالدى», - دەدٸ تەمٸربەكوۆ.
دەرٸگەردەن شىعىپ اۋىلدىق ەكٸمدٸككە جەتتٸك. ەكٸم ورنىندا جوق ەكەن. ونىڭ ورىنباسارى شەمشٸعالي وسپانوۆ قابىلدادى. «ديپلوممەن اۋىلعا» كەلگەن دەرٸگەرلەردٸڭ تۇرعىن ٷيٸ بار ما?» دەگەن سۇراق قويدىق.
«قازٸر ەكٸم اۋدانعا جينالىسقا كەتتٸ. كەلگەن سوڭ جاۋاپ بەرەمٸز. ەرتەڭ تٷسكە دەيٸن حابارلاسامىز», - دەدٸ.
سەندٸك. ەرتەسٸ تٷسكە دەيٸن شەمشٸعالي وسپانوۆقا حابارلاستىق. ەكٸم قۇجات جۇمىستارىمەن شىعىپ كەتكەنٸن, تٷستەن كەيٸن جاۋابىن بەرەتٸنٸن» ايتتى.
اۋىل ەكٸمدٸگٸنەن ساعات 17.43 حات كەلدٸ. وندا بٸز سۇراعان جاس دەرٸگەرلەردٸڭ تۇرعىن ٷيٸنە قاتىستى ەمەس, جالپىلاما جاۋاپ جازىلعان.
«ديپلوممەن اۋىلعا» باعدارلاماسىمەن اۋدانىمىزدا اۋىلدى جەرلەرگە جۇمىسقا كەلگەن ەلەۋمەتتٸك سالالار ماماندارىنا قولداۋ كٶرسەتۋ شارالارى قاراستىرىلعان.
قولداۋ شارالارى: 70 ايلىق ەسەپتٸ كٶرسەتكٸش (176750 تەنگە) كٶلەمٸندەگٸ كٶتەرمە اقى بٸر جولعى جەردەماقىنى تٶلەۋ; 1500 ايلىق ەسەپتٸ كٶرسەتكٸش (3787500 تەنگە) كٶلەمٸندە تۇرعىن ٷي الۋعا نەمەسە قۇرىلىسى ٷشٸن بيۋدجەتتٸك نەسيە قاراستىرىلعان;
باعدارلاماعا قاتىسۋ ٷشٸن كەلەسٸ قۇجاتتار قاجەت: ٶتٸنٸش; جەكە كۋەلٸگٸ كٶشٸرمەسٸ; جاڭا جۇمىس ورنىنىڭ كادرلىق قىزمەتتەن راستالعان ەڭبەك كٸتاپشاسى كٶشٸرمەسٸ; ازاماتتاردى تٸركەۋ مەكەن – جەي انىقتاماسى; بٸلٸمٸ تۋرالى ديپلوم كٶشٸرمەسٸ; سالىق تٶلەۋشٸنٸڭ تٸركەلۋٸ جٶنٸندەگٸ كۋەلٸك; ەلەۋمەتتٸك جەكە كودىن العانى جٶنٸندە كۋەلٸك كٶشٸرمەسٸ; قر قولدانىستاعى زاڭىنا سەيكەس تۇرعىن ٷيدٸ ساتۋ-ساتىپ الۋ تۋرالى الدىن الا كەلٸسٸمشارتى», - دەلٸنگەن رەسمي حاتتا.
ۆيدەو: كەنجەتاي اقسەيٸتوۆ
راحيليا بەكنازارقىزى
