فوتو: Baq.kz.
بٷگٸن مەجٸلٸس وتىرىسىندا بٸرنەشە دەپۋتات ەلتاڭبانى ٶزگەرتۋگە قاتىستى سۇراۋ جولدادى, – دەپ حابارلايدى "ۇلت اقپارات".
دەپۋتات ابزال قۇسپان ەلتاڭبانى قوعاممەن تالقىلاۋ تۋرالى پرەزيدەنتتٸڭ باستاماسىن قولدايتىنىن, ونى زامان سۇرانىسىن ەسكەرٸپ, جەتٸلدٸرۋ كەرەك ەكەنٸن ايتتى.
"بۇل ۇسىنىس قوعامنىڭ قىزىعۋشىلىعىن تۋعىزىپ, قىزۋ تالقىلانۋدا. ولاردىڭ بٸر توبى قولدانىستاعى گەربتٸ وسى قالپىندا قالدىرايىق دەسە, ەندٸ بٸرٸ زامان تالابىنا ساي ٶزگەرتەيٸك دەيدٸ. بۇل - زاڭدى ەرٸ وڭ قۇبىلىس. ازاماتتىق قوعامنىڭ بەلسەندٸلٸگٸ مەن جەتٸلگەنٸنٸڭ كٶرٸنٸسٸ.
ەكٸنشٸ جاعىنان, جۇرتشىلىقتىڭ ەلدٸك نىشاندارعا بەي-جاي قارامايتىنىن, وتانشىلدىق سەزٸمٸنٸڭ جوعارىلىعىن ايقىن اڭعارتادى. ەلەمدٸك تەجٸريبەگە سٷيەنسەك, مەملەكەت گەربٸ سول ەلدٸڭ تەرەڭ تاريحىمەن, تٶل دٷنيەتانىمىمەن جەنە العا قويعان مۇراتىمەن تىعىز بايلانىستى بولادى. گەرب اتاۋىنىڭ ٶزٸ «مۇرا» دەگەن ۇعىمدى بٸلدٸرەدٸ. كەيبٸر ەلدەر گەربسٸز, ەمبلەمامەن عانا شەكتەلگەن", - دەگەن ا.قۇسپان قازٸرگٸ قولدانىستاعى ەلتاڭبا دا كٶڭٸلٸنەن شىعاتىنىن ايتتى.
ابزال قۇسپاننىڭ ايتۋىنشا, قازاق مەملەكەتٸ 1991 جىلى عانا پايدا بولماعانىن, ونىڭ مەملەكەتتٸلٸك تاريحىنىڭ تەرەڭدە جاتقانىن دا ەسكەرگەنٸمٸز جٶن دەيدٸ.
"ول - ارعىداعى ساق, عۇن, تٷرٸك قاعاناتى, ۇلىق ۇلىس - جوشى ۇلىسىنىڭ, بەرگٸدەگٸ قازاق حاندىعىنىڭ تٸكەلەي مۇراگەرٸ. بۇل - ەرلٸك پەن ٶرلٸككە تولى تاريح. بيىل قازاق دالاسىندا تۋ كٶتەرگەن جوشى ۇلىسى - التىن وردانىڭ قۇرىلعانىنا 800 جىل تولۋىن اتاپ ٶتكەلٸ وتىرمىز. مٸنە, قازاق ەلٸنٸڭ وسىنداي تەرەڭ تاريحي ساباقتاستىعى, جاۋىنگەر اتا-بابالارىمىزدىڭ اسقاق رۋحى, مەملەكەتتٸلٸكتٸڭ سۇسى مەن سەسٸ, اتاعى مەن ايبىنى گەربتە كٶرٸنٸس تاپسا يگٸ. سوندىقتان الداعى ۋاقىتتا وسى باعىتتا كٶپ بولىپ كەڭەسۋ ارتىقتىق ەتپەيدٸ", - دەدٸ دەپۋتات.
مەجٸلٸس دەپۋتاتى ەركٸن ەبٸل ەلتاڭبا تەك قازاقستاندىقتارعا عانا ەمەس, سونداي-اق شەتەل ازاماتتارىنا دا قاراپايىم, تٷسٸنٸكتٸ بولۋى كەرەك دەپ وتىر.
"ەلتاڭبادا مەملەكەتتٸڭ تاريحي ەرەكشەلٸگٸ بايقالمايدى, قازاقستان ۇلتتىق تەۋەلسٸز مەملەكەت ەكەنٸن ايقىنداپ تۇرعانى كٶرٸنبەيدٸ", - دەي كەلە دەپۋتات گەرالديكا مەن تاريح ماماندارىنىڭ پٸكٸرٸنە سٷيەنٸپ شەشٸم شىعارۋ قاجەت دەپ ەسەپتەيتٸنٸن ايتتى.
