بٸرٸنشٸ سىنىپقا باراتىندار ٷشٸن قۇجاتتاردى قابىلداۋ 1 سەۋٸردەن باستالادى. بۇل تۋرالى قر بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶراعاسى گٷلميرا كەرٸموۆا ايتتى, دەپ حابارلايدى قازاقپارات.
بالالاردى مەكتەپكە قابىلداۋ تەرتٸبٸ قر بعم 2018 جىلعى 12 قازانداعى 564 بۇيرىعىمەن بەكٸتٸلگەن وقۋعا قابىلداۋدىڭ ٷلگٸلٸك قاعيدالارىندا ايقىندالعان. 1-سىنىپقا 6 جاستان باستاپ بالالار اتا-اناسىنىڭ نەمەسە بٸلٸم الۋشىلاردىڭ زاڭدى ٶكٸلٸنٸڭ جەكە ٶتٸنٸشٸ نەگٸزٸندە قابىلدانادى.
وسى ورايدا مىناداي قۇجاتتار قاجەت: بالانىڭ تۋۋ تۋرالى كۋەلٸگٸنٸڭ كٶشٸرمەسٸ; 026/ۋ-3 نىسانى بويىنشا دەنساۋلىق پاسپورتى; 063/ۋ نىسانى بويىنشا دەنساۋلىق جاعدايى تۋرالى قۇجات (ەكپە كارتاسى) جەنە 3ح4 كٶلەمٸندەگٸ فوتوسۋرەتتٸڭ ەكٸ داناسى.
«قۇجاتتاردى قابىلداۋ بيىلعى كٷنتٸزبەلٸك جىلدىڭ 1 سەۋٸرٸنەن 1 تامىزىنا دەيٸن جٷرگٸزٸلەدٸ», - دەدٸ گ. كەرٸموۆا ورتالىق كوممۋنيكاتسييالار قىزمەتٸندە.
بٸرنەشە جىل بويى قۇجاتتاردى جەنە بالالاردى مەكتەپكە قابىلداۋ بويىنشا مەملەكەتتٸك قىزمەت اۆتوماتتاندىرىلدى. 1-سىنىپقا قابىلداۋ ەلەكتروندىق ٷكٸمەتتٸڭ ەgov.kz ۆەب-پورتالى ارقىلى جٷزەگە اسىرىلادى. ٶڭٸرلەردەگٸ بٸلٸم باسقارمالارى ەلەۋمەتتٸك جەلٸلەر مەن باق ارقىلى اتا-انالار اراسىندا بالالاردى مەكتەپكە قابىلداۋ ەرەجەلەرٸ تۋرالى اقپاراتتىق-تٷسٸندٸرۋ جۇمىستارىن قوسىمشا جٷرگٸزەتٸن بولادى.
ونىڭ ايتۋىنشا, بيىل بٸرٸنشٸ سىنىپقا 420 مىڭ بٷلدٸرشٸن بارادى دەپ ەسكەرٸلگەن. بۇل كٶرسەتكٸش بىلتىرعا قاراعاندا جوعارى.
