Energyprom.kz مونيتورينگ اگەنتتٸگٸنٸڭ اقپاراتىنا سەيكەس, قانت باعاسى بٸر جىل ٸشٸندە 61%-كە ٶستٸ, دەپ حابارلايدى Sputnik قازاقستان.
بيىل قاڭتار-سەۋٸر ايلارىنداعى قانت ٶندٸرٸسٸ 81,8 مىڭ توننا بولدى. بۇل بىلتىرعى سەيكەس كەزەڭمەن سالىستىرعاندا 2,1%-عا از. قانتتىڭ ٷشتەن ەكٸسٸنەن استامى جامبىل وبلىسىندا ٶندٸرٸلەدٸ, ياعني - 56,5 مىڭ توننا.
"2022 جىلدىڭ بٸرٸنشٸ توقسانىنىڭ قورىتىندىسى بويىنشا وتاندىق قانت ٶندٸرۋشٸلەر سۇرانىستى 39%-عا قامتاماسىز ەتتٸ. بىلتىرعى كٶرسەتكٸش - 43,8%. بٸرٸنشٸ توقساندا قازاقستاندىق ٶندٸرٸس بٸر جىلدا بٸردەن 25,2%-عا تٶمەندەدٸ, يمپورت 9%-عا, 60,1 مىڭ تونناعا دەيٸن قىسقاردى", - دەلٸنگەن اقپاراتتا.
نەتيجەسٸندە 2022 جىلدىڭ بٸرٸنشٸ توقسانىندا ٸشكٸ نارىقتا 98,5 مىڭ توننا قانت ساتىلدى. بۇل بٸر جىل بۇرىنعىعا قاراعاندا 15,7%-عا از. سەكتورداعى ەكسپورت ماردىمسىز, ول 8 ەسە قىسقاردى. بيىل قانت بۇرىن-سوڭدى بولماعان دٷربەلەڭ تۋدىردى. مەسەلەن, ناۋرىزدا رەسەيدەن قانت ەكسپورتىنا تىيىم سالىنۋىنا بايلانىستى رەسەيلٸك قانت قۇنى قازاقستاندا اقپانمەن سالىستىرعاندا بٸردەن 34,3%-عا ٶستٸ.
ساۋدا جەنە ينتەگراتسييا مينيسترلٸگٸ اۋىل شارۋاشىلىعى مينيسترلٸگٸمەن بٸرلەسٸپ, ەلدە قانت تاپشىلىعى جوق جەنە قالعان قورى ٷش ايعا جەتەدٸ دەپ مەلٸمدەدٸ. سونىمەن قاتار ولار ٷنەمٸ تولىقتىرىلىپ وتىراتىنىن ايتتى, دەپ جازادى Energyprom.kz.
سوعان قاراماستان, مەلٸمدەمە جاسالعان ۋاقىتتا تٷرلٸ قالا دٷكەندەرٸندە سٶرەلەردە قانت بولمادى. كەيٸن الىپساتارلىق جاعدايلارى انىقتالدى. قانت باعاسىنىڭ ٶسۋٸ كەلەسٸ ايلاردا دا جالعاستى: سەۋٸردە قانت تاعى 4,5%-عا, مامىردا 5,7%-عا قىمباتتادى. نەتيجەسٸندە قانتتىڭ جىلدىق قىمباتتاۋى بٸردەن 60,5% بولدى.
مامىر ايىندا قانت دٷكەن سٶرەلەرٸنەن قايتادان جوعالىپ كەتتٸ. ساۋدا جەنە ينتەگراتسييا مينيسترٸ باقىت سۇلتانوۆ ەلدەگٸ قانت تاپشىلىعىن مويىنداپ, ونى رەسەي تاراپىنان قانت ەكسپورتىنا ەنگٸزٸلگەن تىيىممەن بايلانىستىردى.
ەسكە سالساق, جۋىردا اۋىل شارۋاشىلىعى مينيسترلٸگٸ ەلدە قانت تاپشىلىعى جوق ەكەنٸن, جەتكٸزٸلٸم ۋاقىتىندا جٷزەگە اسىرىلاتىنىن, ال زاۋىتتار تولىق قۋاتىندا جۇمىس ٸستەيتٸنٸن مەلٸمدەگەن ەدٸ.
