ٶزبەكستانداعى قازاق وتباسىدا قايعىلى جاعداي بولدى. ەكٸ كەمەلەتكە تولماعان بالا سۋعا باتىپ كەتتٸ. الدىن الا مەلٸمەت بويىنشا, اعاسى مەن سۋ ايدىنى ماڭىندا ويناپ جٷرگەن كەزدە قايعىلى وقيعا ورىن العان, دەپ حابارلايدى ult.kz.
جەرگٸلٸكتٸ اقپارات كٶزدەرٸنٸڭ حابارلاۋىنشا, بالالار سۋعا دوپ قۋىپ جٷرٸپ تٷسٸپ كەتٸپ, قايتا شىعا الماعان. بالالاردىڭ دەنەسٸن بٸر قاۋىم ەرٸكتٸلەر ٸزدەستٸردٸ.
قازٸرگٸ ۋاقىتتا وقيعانىڭ ناقتى مەن-جايى انىقتالىپ جاتىر. قۇزىرلى ورگاندار قاۋٸپسٸزدٸك ەرەجەلەرٸنٸڭ ساقتالۋى مەن اتا-انالاردىڭ جاۋاپكەرشٸلٸگٸنە قاتىستى تەكسەرٸس باستادى.
بۇعان دەيٸن قايعىلى وقيعا 17 ماۋسىم كٷنٸ بولعانى ايتىلدى.
«كەمەلبەكوۆ ەركەبۋلان باۋىرجانوۆيچ (16.08.2016 ج.ت.), كەمەلبەكوۆ بەكنۋر باۋىرجانوۆيچ (11.04.2018 ج.ت.) بٸر وتباسى ٷشٸن ەكٸ بٸردەي بالادان كٶز جازىپ قالۋ – ٶتە اۋىر قايعى. اللا تاعالا جار بولسىن», - دەپ جازدى جەلٸ قولدانۋشىسى.
