شىعىس قازاقستان وبلىسىندا تۇرعىنداردى ارزان باسپانا ۋەدە ەتٸپ الداعان ەر ادام ۇستالدى. كٷدٸكتٸ بٸر پەتەردٸ بٸرنەشە ادامعا «ساتۋ» ارقىلى 186 ملن تەڭگەدەن استام اقشا جيناعان, دەپ حابارلايدى ult.kz.
شقو پوليتسييا دەپارتامەنتٸنٸڭ مەلٸمەتٸنشە, تەرتٸپ ساقشىلارىنا ٶڭٸردٸڭ 25 تۇرعىنى جٷگٸنگەن. ولاردىڭ بارلىعى تيٸمدٸ باعامەن پەتەر ساتىپ الامىز دەپ الاياقتىڭ ارباۋىنا تٷسكەن.
قىلمىستىق سحەما 2024 جىلدىڭ قاراشاسىنان 2026 جىلدىڭ سەۋٸرٸنە دەيٸن جالعاسقان. كٷدٸكتٸ ازاماتتارعا مەملەكەتتٸك باعدارلاما ارقىلى باسپانا الۋعا كٶمەكتەسەتٸنٸن ايتىپ, ٷيدٸ رەسٸمدەۋ مەسەلەلەرٸن ٶزٸ شەشۋگە ۋەدە بەرگەن.
جەبٸرلەنۋشٸلەر اقشانى قولما-قول بەرگەن نەمەسە كٷدٸكتٸنٸڭ بانك شوتتارىنا اۋدارعان. الايدا العاشقى تٶلەمنەن كەيٸن دە اقشا سۇراۋ توقتاماعان. كەيٸن پەتەردٸ تٸركەۋ, قۇجاتتاردى رەسٸمدەۋ جەنە ٶزگە دە رەسٸمدەرگە سىلتاۋ ايتىپ, قوسىمشا قاراجات تالاپ ەتكەن.
ادامداردىڭ كٷدٸگٸن سەيٸلتۋ ٷشٸن كٷدٸكتٸ ناقتى بٸر پەتەردٸ كٶرسەتكەن. الايدا باسپانا ونىڭ مەنشٸگٸندە بولماعان. سەنٸمگە كٸرۋ ٷشٸن ەر ادام پەتەردٸ جالعا الىپ, ونى جەبٸرلەنۋشٸلەرگە ٶزدەرٸنە تيەسٸلٸ بولاشاق باسپانا رەتٸندە تانىستىرعان.
پوليتسييانىڭ مەلٸمەتٸنشە, ادامدار كٶپ ۇزاماي پەتەردٸڭ كٸلتٸن الادى دەگەن ٷمٸتپەن اقشا بەرۋدٸ جالعاستىرا بەرگەن.
وسىلايشا 25 ادام الاياقتىڭ قۇربانى بولىپ, جالپى 186 ملن 445 مىڭ تەڭگەسٸنەن ايىرىلعان.
جەبٸرلەنۋشٸلەر اقىرىندا ۋەدە ەتٸلگەن باسپانانىڭ كٸلتٸن دە, تيٸستٸ قۇجاتتاردى دا الا الماعان.
كٷدٸكتٸ ۇستالىپ, پوليتسيياعا جەتكٸزٸلدٸ. قازٸر ول ۋاقىتشا ۇستاۋ يزولياتورىندا قاماۋدا وتىر. تەرگەۋ بارىسىندا ەر ادام كٸنەسٸن مويىنداعان.
