Shyǵys Qazaqstan oblysynda turǵyndardy arzan baspana ýáde etip aldaǵan er adam ustaldy. Kúdikti bir páterdi birneshe adamǵa «satý» arqyly 186 mln teńgeden astam aqsha jinaǵan, dep habarlaidy ult.kz.
ShQO politsiia departamentiniń málimetinshe, tártip saqshylaryna óńirdiń 25 turǵyny júgingen. Olardyń barlyǵy tiimdi baǵamen páter satyp alamyz dep alaiaqtyń arbaýyna túsken.
Qylmystyq shema 2024 jyldyń qarashasynan 2026 jyldyń sáýirine deiin jalǵasqan. Kúdikti azamattarǵa memlekettik baǵdarlama arqyly baspana alýǵa kómektesetinin aityp, úidi rásimdeý máselelerin ózi sheshýge ýáde bergen.
Jábirlenýshiler aqshany qolma-qol bergen nemese kúdiktiniń bank shottaryna aýdarǵan. Alaida alǵashqy tólemnen keiin de aqsha suraý toqtamaǵan. Keiin páterdi tirkeý, qujattardy rásimdeý jáne ózge de rásimderge syltaý aityp, qosymsha qarajat talap etken.
Adamdardyń kúdigin seiiltý úshin kúdikti naqty bir páterdi kórsetken. Alaida baspana onyń menshiginde bolmaǵan. Senimge kirý úshin er adam páterdi jalǵa alyp, ony jábirlenýshilerge ózderine tiesili bolashaq baspana retinde tanystyrǵan.
Politsiianyń málimetinshe, adamdar kóp uzamai páterdiń kiltin alady degen úmitpen aqsha berýdi jalǵastyra bergen.
Osylaisha 25 adam alaiaqtyń qurbany bolyp, jalpy 186 mln 445 myń teńgesinen aiyrylǵan.
Jábirlenýshiler aqyrynda ýáde etilgen baspananyń kiltin de, tiisti qujattardy da ala almaǵan.
Kúdikti ustalyp, politsiiaǵa jetkizildi. Qazir ol ýaqytsha ustaý izoliatorynda qamaýda otyr. Tergeý barysynda er adam kinásin moiyndaǵan.
