فوتو: Polisia.kz
ماڭعىستاۋ وبلىسى پوليتسييا دەپارتامەنتٸنٸڭ جەدەل باسقارۋ ورتالىعىنا سۋ تاسقىنى ايماعىنان ەۆاكۋاتسييالانعان قۇلسارى قالاسىنىڭ تۇرعىندارىن قوناق ٷيلەردٸڭ بٸرٸندە قارۋلى ادامدار كەپٸلگە الىپ, اقشالاي سىياقى تالاپ ەتۋدە دەگەن قوڭىراۋ تٷستٸ, دەپ حابارلايدى «ۇلت اقپارات» Polisia.kz-كە سٸلتەمە جاساپ.
تەكسەرۋ بارىسىندا بۇل اقپارات جالعان بولىپ شىقتى.
وبلىستىق پد ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ قابىلداعان شارالار نەتيجەسٸندە بەينەۋ كەنتٸندە جالعان قوڭىراۋ شالعانى ٷشٸن 22 جاستاعى قىز ۇستالدى. سونىمەن قاتار ونىڭ بۇعان دەيٸن اۆتوبۋستا ۇيالى تەلەفون ۇرلاعانى انىقتالدى. قولدى بولعان گادجەتتەن ول قوڭىراۋ شالعان.
قازٸرگٸ ۋاقىتتا كٷدٸكتٸگە قاتىستى بٶتەن مٷلٸكتٸ ۇرلاۋ جەنە تەرروريزم اكتٸسٸ تۋرالى كٶرٸنەۋ جالعان حابارلاۋ فاكتٸلەرٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
سول كٷنٸ اقتٶبە قالاسىنىڭ پوليتسيياسىنا ەر ادام ۇيالى تەلەفوننان قوڭىراۋ شالىپ, گريشين كٶشەسٸندەگٸ ٷيدە بومبا ورناتىلعانى تۋرالى ايتقان. بۇل فاكت تە راستالمادى.
اقتٶبە وبلىسى پد ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ بۇرىن دا وسىنداي قىلمىس ٷشٸن سوتتالعان اقتٶبە قالاسىنىڭ جۇمىس ٸستەمەيتٸن تۇرعىنىن ماس كٷيٸندە ۇستادى.
وعان قاتىستى تەرروريزم اكتٸسٸ تۋرالى كٶرٸنەۋ جالعان حابارلاعانى ٷشٸن قىلمىستىق ٸس قوزعالدى.
جالعان تەرروريزمنٸڭ ٷشٸنشٸ فاكتٸسٸ الماتى قالاسىندا تٸركەلدٸ. وندا قالانىڭ جەكە كومپانييالارىنىڭ بٸرٸنٸڭ تەلەفونىنا WhatsApp مەسسەندجەرٸ ارقىلى ٸرٸ اقشالاي سىياقى ٷشٸن ساۋدا ورتالىعىنa بومبا قويۋ تۋرالى ۇسىنىس كەلٸپ تٷستٸ.
جەدەل-ٸزدەستٸرۋ ٸس-شارالارىن ٶتكٸزۋ بارىسىندا جەتٸسۋ وبلىسى پد ەقٸقب قىزمەتكەرلەرٸ تالدىقورعان قالاسىنىڭ 9 جاسار تۇرعىنىن انىقتادى. ول ينتەرنەت جەلٸسٸندە كومپانييانىڭ جارناماسىن كٶرٸپ, بۇزاقىلىق نيەتپەن وسى حابارلامانى جولداعانى انىقتالدى.
كەمەلەتكە تولماعان بالانىڭ اتا-اناسى بالانى تەربيەلەۋ شارالارىن قابىلداماعانى ٷشٸن ەكٸمشٸلٸك جاۋاپكەرشٸلٸككە تارتىلدى.
ٸٸم قىلمىستىق كودەكستەگٸ وسى قىلمىس ٷشٸن 5 مىڭ اەك (بۇل 18 ملن تەڭگەدەن استام) مٶلشەرٸندە ايىپپۇل نە بولماسا بەس جىلعا دەيٸن باس بوستاندىعىن شەكتەۋ نەمەسە باس بوستاندىعىنان ايىرۋ كٶزدەلەتٸنٸن تاعى دا ەسكە سالادى.
سونداي-اق سوت شەشٸمٸ بويىنشا كٸنەلٸ ادام جالعان تەرروريزم اكتٸسٸ سالدارىنان جەكە جەنە زاڭدى تۇلعالارعا كەلتٸرٸلگەن زالالدى ٶتەۋگە تيٸس.
