ۇلىتاۋ وبلىسىنىڭ بٸلٸم باسقارماسىنىڭ باسشىسى سەيفۋرا تٶلەكوۆا جەلٸدە تاراعان ۆيدەوداعى سەتباەۆ قالاسىنداعى № 25 ورتا مەكتەپتٸڭ ماتەماتيكا پەنٸنٸڭ مۇعالٸمٸ مەن وقۋ ٸسٸنٸڭ مەڭگەرۋشٸسٸ اراسىنداعى جانجالدىڭ جاي-جاپسارىن ايتىپ بەردٸ, - دەپ حابارلايدى Tengrinews.kz اگەنتتٸگٸ.
"ولاردىڭ اراسىنداعى كيكٸلجٸڭ 10-سىنىپ وقۋشىسىنىڭ, ياعني وقۋ ٸسٸ مەڭگەرۋشٸسٸنٸڭ تۋىسىنىڭ باعاسىنا بايلانىستى تۋىنداعان. وقۋشى بٸرٸنشٸ توقساندا ماتەماتيكادان 4 الىپ, باسقا ساباقتاردان 5 العان. سوندىقتان اتا-اناسى مەكتەپ ديرەكتورىنا حابارلاسىپ, ماتەماتيكادان قويىلعان باعانى قايتا قاراۋدى ٶتٸنگەن. ديرەكتور مەكتەپ مۇعالٸمدەرٸمەن, ونىڭ ٸشٸندە ماتەماتيكا پەنٸنٸڭ مۇعالٸمٸمەن ەڭگٸمەلەسٸپ قىزعا قوسىمشا تاپسىرمالار بەرٸلگەن. بٸراق وقۋشى تاپسىرمالاردى ورىنداۋ بارىسىندا سىنىپتاعى تاعى ەكٸ بالامەن بٸردەي قاتەلەر جٸبەرگەن. مۇعالٸم ولارعا بٸر-بٸرٸنەن كٶشٸرٸپ العانىن ايتقان. وقۋشى قىز ايتىلعان سىندى ٶزٸنە قابىلداپ اپايىنا ايتقان", - دەدٸ سەيفۋرا تٶلەكوۆا.
وقۋشىلاردىڭ بٸرٸ تٷسٸرگەن ۆيدەو جەلٸدە تاراعاننان كەيٸن مەكتەپتە پەداگوگيكالىق كەڭەس وتىرىسى ٶتتٸ. بٸلٸم باسقارماسىنىڭ ورىنباسارى دا بٸلٸم وشاعىن ارالادى.
"كەڭەستە بٸز جانجالدىڭ بارلىق مەن-جايىن انىقتادىق, جالپى شەشٸممەن وقۋ ٸسٸنٸڭ مەڭگەرۋشٸسٸنە قاتاڭ سٶگٸس جارييالاندى, ول ورىنباسارلىق قىزمەتٸنەن بوساتىلدى. ەڭبەك زاڭناماسى بويىنشا ونى جۇمىستان بوساتۋعا قۇقىعىمىز جوق", - دەپ قوستى سەيفۋرا تٶلەكوۆا.
