قر ەڭبەك جەنە حالىقتى قورعاۋ مينيسترلٸگٸ اتاۋلى ەلەۋمەتتٸك كٶمەكتٸڭ جاڭا شارتتارىن تٷسٸندٸردٸ. وعان سەيكەس, 21 مىڭ تەڭگەلٸك جەردەماقىعا كٶپبالالى وتباسىلار عانا ەمەس, بٸر بالاسى بار انالار دا ٸلٸگە الادى, دەپ حابارلايدى قازاقپارات تٸلشٸسٸ.
«اتاۋلى ەلەۋمەتتٸك كٶمەك كٶپبالالى جەنە از قامتىلعان وتباسىلارعا بەرٸلۋٸ شارت. بۇل - پرەزيدەنتتٸڭ تاپسىرماسى. ال ەلەۋمەتتٸك جاعىنان از قامتىلعان وتباسىدا بٸر بالا نەمەسە ەكٸ بالا بولۋى مٷمكٸن عوي. ونداي وتباسىلاردىڭ بٸر ايلىق تابىسى ادام باسىنا شاققاندا 20 789 (كٷنكٶرٸس مينيمۋمنىڭ 70 پروتسەنتٸ - اۆت.) اسپاسا, بٸر بالاعا 21 مىڭ تەڭگەگە جۋىق جەردەماقى تاعايىندالادى», - دەدٸ مينيسترلٸكتٸڭ باسپاسٶز قىزمەتكەرلەرٸ.
وسى ورايدا ماماندار بٸر بالاسى بار وتباسىنا جاڭا جەردەماقى تٶلەۋگە قاتىستى مىسالدى دا كەلتٸردٸ. مەسەلەن, بٸر ەيەل جالعىز بالاسىن اسىراپ وتىر. ال ونىڭ بٸر ايلىق جالاقىسى 40 000 تەڭگەنٸ قۇرايدى. وسى اقشانى ەكٸ ادامعا بٶلگەندە تۋرا 20 000 مىڭنان كەلەدٸ. دەمەك, وتباسىنىڭ بٸر ايلىق تابىسى ادام باسىنا شاققاندا كٷنكٶرٸس مينيمۋمنىڭ 70 پروتسەنتٸ - 20 789 تەڭگەدەن اسپايدى. زاڭ بويىنشا بالاعا 21 مىڭ تەڭگەنٸڭ جەردەماقىنى تٶلەنۋٸ كەرەك.
«ال اناسىنا 20 000 مەن 20 789 تەڭگەنٸڭ ايىرماشىلىعى تٶلەنەدٸ. سوندا بالانىڭ جەردەماقىسىن قوسقاندا اتالعان وتباسى اي سايىن 22 مىڭ تەڭگەگە جۋىق اتاۋلى ەلەۋمەتتٸك كٶمەكتٸ الىپ تۇرادى», - دەپ اتاپ كٶرسەتتٸ ماماندار.
ايتا كەتەيٸك, «نۇر وتان» پارتيياسىنىڭ XVIII سەزٸندە قر پرەزيدەنتٸ نۇرسۇلتان نازارباەۆ كٶپبالالى وتباسىلاردا ەربٸر بالانىڭ تٶلەماقىسىن 21 مىڭ تەڭگەگە دەيٸن ارتتىرۋدى تاپسىردى. «ٷكٸمەتكە ەلەۋمەتتٸك جاعىنان از قامتىلعان ازاماتتاردى, ەسٸرەسە, كٶپبالالى وتباسىلاردى قولداۋ شارالارىن كەڭەيتۋدٸ تاپسىرامىن. اتالعان كٶرسەتكٸشتٸ كٷنكٶرٸس دەڭگەيٸنٸڭ 70 پايىزىنا دەيٸن جەتكٸزۋٸمٸز كەرەك. ال اتاۋلى كٶمەك الىپ وتىرعان كٶپبالالى وتباسىلاردىڭ ەربٸر بالاسىنا بەرٸلەتٸن جەردەماقىنى 21 مىڭ تەڭگەگە دەيٸن ٶسٸرۋدٸ تاپسىرامىن. اتالعان كٶمەكتٸ بارىنشا جەڭٸلدەتۋ كەرەك. حالىق ارى-بەرٸ شاپقىلاپ جٷرمەسٸن. سوسىن ونداي وتباسىلاردىڭ تابىسىن ەسەپتەگەندە باسقا ەلەۋمەتتٸك جەردەماقىلاردى ساناۋدى الىپ تاستاۋ قاجەت. ەيتپەسە, سونىڭ بەرٸن ساناعاندا كٶپبالالى وتباسىلار جاعداي جاقسى ازاماتتار بولىپ شىعا كەلەدٸ», - دەگەن بولاتىن ن.نازارباەۆ. جاقىندا مەملەكەت باسشىسى اتالعان شارالاردى 1 سەۋٸردەن باستاۋدى مٸندەتتەدٸ.
قر ەڭبەك جەنە xالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ بالالارعا بەرٸلەتٸن 21 مىڭ تەڭگەدەن بٶلەك اتا-اناسىنا دا قوسىمشا اقى تٶلەنەتٸنٸن جەتكٸزدٸ. بٷگٸندە ەلٸمٸزدە كٷنكٶرٸستٸڭ مينيمۋمى 29 698 تەڭگەنٸ قۇرايدى. وسى ۋاقىتقا دەيٸن اتاۋلى كٶمەكتٸ بٸر ادامعا شاققاندا كٷنكٶرٸس دەڭگەيٸنٸڭ 50 پروتسەنتٸنەن, ياعني 14 849 تەڭگەدەن اسپايتىن وتباسىلار السا, ەندٸ پرەزيدەنتتٸڭ تاپسىرماسى بويىنشا اتالعان كٶرسەتكٸش 70 پروتسەنتكە - 20 789 تەڭگەگە دەيٸن كٶتەرٸلٸپ وتىر. دەمەك, كٶپبالالى وتباسىنىڭ جالپى تابىسىن ەربٸر ادامعا بٶلگەندە اقشانىڭ سوماسى كٷنكٶرٸس دەڭگەيٸنٸڭ 70 پروتسەنتٸنە, ياعني 20 789 تەڭگەگە جەتپەسە, ەربٸر بالاعا 21 مىڭ تەڭگەنٸڭ جەردەماقىسى بەرٸلەدٸ.
«سوسىن ەگەر جانۇيانىڭ ەربٸر ادامىنا شاققاندا تابىس كٷنكٶرٸس دەڭگەيٸنەن (70 پروتسەنتتەن - اۆت.) تٶمەن بولسا, ايىرماشىلىق 10 مىڭ تەڭگە بولا ما, 7 مىڭ تەڭگە بولا ما, سول اتا-اناسىنا دا قوسىمشا تٶلەنەدٸ. ودان كەيٸنگٸ ەڭ ٷلكەن جەڭٸلدٸك, بۇرىن تابىستى ەسەپتەگەندە «التىن القا» «كٷمٸس القا», كٶپ بالاعا بەرٸلەتٸن جەردەماقى, مٷگەدەكتەردٸڭ جەردەماقىسى مەن ستيپەنديياسى سانالاتىن. ەندٸ, سونىڭ بەرٸن ەسەپكە المايدى», - دەيدٸ ب.ساپارباەۆ.
