استانادا جاڭا جۇمىسقا ورنالاسقان مەنەدجەر بٸر اپتا ٸشٸندە جۇمىس ورنىنان قۇنى 1,5 ملن تەڭگەدەن اساتىن التى نوۋتبۋك ۇرلاپ كەتكەن. كٷدٸكتٸ ۇرلانعان تەحنيكالاردى لومباردقا ٶتكٸزٸپ, اقشاسىن جەكە قاجەتٸنە جۇمساعان, دەپ حابارلايدى ult.kz.
Polisia.kz مەلٸمەتٸنشە, كٷدٸكتٸنٸ ەسٸل اۋداندىق كريمينالدىق پوليتسييا قىزمەتكەرلەرٸ جەدەل-ٸزدەستٸرۋ شارالارى بارىسىندا ۇستاعان.
تەرگەۋ بارىسىندا انىقتالعانداي, 27 جاستاعى ەر ادام اۆتومەكتەپكە جارناما جاساپ, كليەنت تارتۋمەن اينالىساتىن مەكەمەگە مەنەدجەر بولىپ جۇمىسقا ورنالاسقان. الايدا قىزمەتكە كٸرٸسكەنٸنە بٸر اپتا ٶتپەي جاتىپ, جۇمىس بەرۋشٸنٸڭ سەنٸمٸن پايدالانىپ, التى نوۋتبۋكتى جاسىرىن تٷردە الىپ كەتكەن.
بٸر نوۋتبۋكتىڭ قۇنى شامامەن 250 مىڭ تەڭگەدەن اسادى. وسىلايشا كەلتٸرٸلگەن شىعىن كٶلەمٸ الدىن الا ەسەپ بويىنشا 1,5 ملن تەڭگەدەن اسقان.
كٷدٸكتٸ ۇرلانعان تەحنيكالاردى لومباردقا ٶتكٸزٸپ, ودان تٷسكەن اقشانى جەكە قاجەتٸنە جۇمساعان. پوليتسييانىڭ مەلٸمەتٸنشە, ونىڭ قۇمار ويىندارعا تەۋەلدٸ بولۋى مٷمكٸن ەكەنٸ انىقتالعان.
جەدەل شارالار نەتيجەسٸندە كٷدٸكتٸ استاناداعى قوناقٷيلەردٸڭ بٸرٸنەن ۇستالدى. ول كٸنەسٸن تولىق مويىنداعان.
ۇرلانعان نوۋتبۋكتار تەركٸلەنٸپ, زاڭدى يەلەرٸنە قايتارۋ جۇمىستارى جٷرگٸزٸلٸپ جاتىر.
اتالعان فاكتٸ بويىنشا قىلمىستىق ٸس قوزعالدى. سوتقا دەيٸنگٸ تەرگەۋ جالعاسىپ جاتىر.
