Astanada jańa jumysqa ornalasqan menedjer bir apta ishinde jumys ornynan quny 1,5 mln teńgeden asatyn alty noýtbýk urlap ketken. Kúdikti urlanǵan tehnikalardy lombardqa ótkizip, aqshasyn jeke qajetine jumsaǵan, dep habarlaidy ult.kz.
Polisia.kz málimetinshe, kúdiktini Esil aýdandyq kriminaldyq politsiia qyzmetkerleri jedel-izdestirý sharalary barysynda ustaǵan.
Tergeý barysynda anyqtalǵandai, 27 jastaǵy er adam avtomektepke jarnama jasap, klient tartýmen ainalysatyn mekemege menedjer bolyp jumysqa ornalasqan. Alaida qyzmetke kiriskenine bir apta ótpei jatyp, jumys berýshiniń senimin paidalanyp, alty noýtbýkty jasyryn túrde alyp ketken.
Bir noýtbýktyń quny shamamen 250 myń teńgeden asady. Osylaisha keltirilgen shyǵyn kólemi aldyn ala esep boiynsha 1,5 mln teńgeden asqan.
Kúdikti urlanǵan tehnikalardy lombardqa ótkizip, odan túsken aqshany jeke qajetine jumsaǵan. Politsiianyń málimetinshe, onyń qumar oiyndarǵa táýeldi bolýy múmkin ekeni anyqtalǵan.
Jedel sharalar nátijesinde kúdikti Astanadaǵy qonaqúilerdiń birinen ustaldy. Ol kinásin tolyq moiyndaǵan.
Urlanǵan noýtbýktar tárkilenip, zańdy ielerine qaitarý jumystary júrgizilip jatyr.
Atalǵan fakti boiynsha qylmystyq is qozǵaldy. Sotqa deiingi tergeý jalǵasyp jatyr.
