قر ٸشكٸ ٸستەر مينيسترلٸگٸ ٶتكەن اپتادا جٷرگٸزٸلگەن «قاۋٸپسٸز جول» جەدەل الدىن الۋ شاراسىن قورىتىندىلادى, دەپ حابارلايدى "ۇلت اقپارات".
«جول قوزعالىسىن قاداعالاۋ بارىسىندا 40 577 تەرتٸپ بۇزۋ فاكتٸسٸ, ونىڭ ٸشٸندە 340 اۆتوكٶلٸكتٸ ماس كٷيٸندە باسقارۋ, 3 564 – جىلدامدىقتى شامادان تىس ارتتىرۋ, 126 – جولدىڭ قارسى بەتٸنە شىعىپ كەتۋ, 836 – باعدارشامنىڭ تىيىم سالۋ بەلگٸسٸنە قاراماي ٶتٸپ كەتۋ بولدى», - دەدٸ قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مينيسترلٸكتە ٶتكەن ونلاين بريفينگتە.
239 جٷرگٸزۋشٸ تەمٸر جول بٶلٸگٸنەن ٶتۋ تەرتٸبٸن بۇزعان, ال جاياۋ جٷرگٸنشٸلەر اراسىندا 5 921 ەرەجە بۇزۋشىلىعى انىقتالدى.
«وعان قوسا, 701 قوعامدىق كٶلٸك جٷرگٸزۋشٸلەرٸنٸڭ جول ەرەجەسٸن بۇزعانى انىقتالدى. شارا بارىسىندا 2 864 شاقىرىم جول قاۋٸپتٸ ۋچاسكە انىقتالدى, 426 جول بەلگٸسٸ قويىلدى», - دەيدٸ رەسمي ٶكٸل.
