جىل باسىنان بەرٸ قازاقستاندا 53 ادام سۋدا مەرت بولدى. بۇل تۋرالى قر تجم ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆ ايتىپ بەردٸ, دەپ حابارلايدى "ۇلت اقپارات".
سپيكەردٸڭ ايتۋىنشا, شومىلۋ ماۋسىمى 1 ماۋسىمدا رەسمي باستالادى جەنە 1 قىركٷيەككە دەيٸن سوزىلادى.
«ٶكٸنٸشكە قاراي, سۋعا تٷسۋ ماۋسىمى باستالماسا دا, 53 ادام قازا تاپتى, ونىڭ ٸشٸندە 26 بالا بار. جىل باسىنان بەرٸ سۋ ايدىندارىنان 38 ادام, ونىڭ ٸشٸندە 4 بالا قۇتقارىلدى. ەسٸرەسە بالالاردىڭ سۋدا مەرت بولۋى جاعديى كٶبەيگەن. بىلتىر وسى كەزەڭدە 18 بالا مەرت بولسا, بيىل 26-عا جەتتٸ», - دەدٸ باۋىرجان سىزدىقوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە.
بٸر عانا ٶتكەن اپتادا 17-23 مامىر ارالىعىندا سۋ ايدىندارىندا 12 ادام, ونىڭ ٸشٸندە 2 بالا سۋعا باتىپ كٶز جۇمدى.
«سۋدا قازا بولۋدىڭ باستى سەبەپتەرٸ: جابدىقتالماعان, تىيىم سالىنعان جەرلەردە شومىلۋ (25 جاعداي), بالالاردى قاراۋسىز قالدىرۋ (18 جاعداي), سۋ قويماسىنا قۇلاپ كەتۋ جەنە ٶز كٷشٸن دۇرىس باعالاماۋ (16 جاعداي), جەكە قۇتقارۋ قۇرالىنسىز بالىق اۋلاۋ (11 جاعداي), كەۋدەشەسٸز جٷزۋ قۇرالىن (كاتاماراندى) پايدالانۋ جەنە ماس كٷيدە سۋعا تٷسۋ», - دەپ تٷسٸندٸردٸ كوميتەت تٶراعاسى.
ايتا كەتەيٸك, ەلٸمٸزدە شومىلۋعا رۇقسات بەرٸلگەن 469 ورىن بار, ونىڭ ٸشٸندە 118 كوممۋنالدىق جەنە 275 جەكە جاعاجاي بەلگٸلەنگەن. شومىلۋعا رۇقسات ەتٸلگەن جەنە تىيىم سالىنعان ورىندار 2GIS كارتاسىندا كٶرسەتٸلەدٸ.
شومىلۋ ماۋسىمى باستالماي-اق ەرەجە بۇزعان 242 ادام ەكٸمشٸلٸك جاۋاپقا تارتىلىپ ٷلگەردٸ.
