فوتو: pixabay.com
30 قاڭتاردا سەناتتىڭ جالپى وتىرىسىندا دەپۋتات نۇرتٶرە جٷسٸپ ەپرودۋكتيۆتٸ دەنساۋلىق ساقتاۋ سالاسىنداعى جۇمىستى ۇلتتىق دەڭگەيدە جٷيەلەۋ جەنە بالالار مەن جاسٶسپٸرٸمدەر اراسىندا تيٸستٸ اعارتۋ جۇمىستارىن كٷشەيتۋ كەرەگٸن ايتىپ, دەپۋتاتتىق ساۋال جولدادى. بۇل تۋرالى Ult.kz, Stan.kz اقپارات اگەنتتٸگٸنە سٸلتەمە جاساپ حابارلايدى.
سەناتوردىڭ مەلٸمەتٸنشە, كەيٸنگٸ بەس جىلدا جاسٶسپٸرٸمدەر اراسىندا تۋۋ كٶرسەتكٸشٸ شامامەن 1,5 ەسە ارتقان.
"بۇل ەندٸ پاندەمييا كەزٸندە باستالعان ەكەن. كەيٸنگٸ تٶرت جىلدا بۇل ٷردٸس بٸر دەڭگەيدە ساقتالىپ كەلە جاتىر. 2023 جىلى قارشاداي قىزدار اراسىندا 5 094 بوسانۋ فاكتٸسٸ تٸركەلٸپ وتىر. بۇل سول كەزەڭدەگٸ جالپى تۋۋ كٶرسەتكٸشٸنٸڭ 1,3 پايىزىن قۇرايدى. يماندىلىقتىڭ ۇياسى دەپ ەسەپتەلەتٸن اۋىلدىق جەردە ەكٸ ەسە ارتىپ وتىر. جاپ-جاس قىزداردى قورلاۋ دا كٶبەيدٸ, تٸپتٸ زورلاۋ كٶبەيدٸ. بۇل جاعداي دا ەرتە جٷكتٸلٸككە ەكەلەدٸ. بٸراق كٶبٸنە مۇنداي وقيعالار جابۋلى كٷيٸندە قالىپ, قىزدار ٸشٸنەن تىنىپ قالادى. كٶرسەك تە, كٶرمەگەن بولىپ, بٸلسەك تە بٸلمەگەن بولىپ وسىلاي وتىرا بەرەمٸز بە?" – دەدٸ سەناتور.
دەپۋتات مەسەلەگە كٶز جۇما قاراۋعا بولمايتىنىن اتاپ ٶتتٸ. كەيٸنگٸ جىلدارداعى جاعداي بارلىق مٷددەلٸ تاراپتاردىڭ, ەسٸرەسە بٸلٸم بەرۋ جەنە دەنساۋلىق ساقتاۋ سالالارى ٶكٸلدەرٸنٸڭ مەسەلەگە بەلسەندٸ ارالاسۋىن تالاپ ەتەدٸ.
"بٸز بۇل پروبلەماعا ايرىقشا نازار اۋدارماي بولمايدى. بۇل – ٶتە نەزٸك ەلەۋمەتتٸك مەسەلە. بالا كٶتەرەتٸن جاسقا كەلگەن قازٸرگٸ جاسٶسپٸرٸمدەردٸڭ رەپرودۋكتيۆتٸ دەنساۋلىق جاعدايى الداعى 10-15 جىلداعى تۋۋ مەن دەموگرافيياعا تٸكەلەي ەسەر ەتەتٸنٸ انىق. وقۋ-اعارتۋ, دەنساۋلىق ساقتاۋ, ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸنٸڭ, سونداي-اق, وسى سالادا جۇمىس ٸستەيتٸن حالىقارالىق ۇيىمداردىڭ قاتىسۋىمەن جاسٶسپٸرٸمدەر اراسىندا جٷكتٸلٸك پەن تۋۋ سانىنىڭ ٶسۋ سەبەپتەرٸنە ۆەدومستۆوارالىق تالداۋ جٷرگٸزۋ قاجەت. كەمەلەتكە تولماعانداردىڭ قۇقىعىن قورعاۋعا قاتىستى زاڭنامانىڭ ورىندالۋىنا مونيتورينگ پەن باقىلاۋدى كٷشەيتۋ اسا ماڭىزدى. جاسٶسپٸرٸمدەر مەن ولاردىڭ اتا-انالارىنىڭ ەرتە جٷكتٸلٸك قاۋپٸ, سونداي-اق, كەمەلەتكە تولماعانداردىڭ جاۋاپكەرشٸلٸگٸ مەن قۇقىقتارى تۋرالى حاباردار بولۋ دەڭگەيٸن ارتتىرۋعا باعىتتالعان اقپاراتتىق-تٷسٸندٸرۋ جۇمىستارىن جەدەل قولعا الۋ كەرەك", – دەدٸ سەناتور.
