ٷكٸمەت ٷيٸندە قر پرەمەر-مينيسترٸنٸڭ ورىنباسارى بەردٸبەك ساپارباەۆ مينيسترلٸكتەردٸڭ باسشىلارىمەن جەنە وبلىستار ەكٸمدٸكتەرٸنٸڭ قاتىسۋىمەن ەلەۋمەتتٸك سالادا مەملەكەتتٸك-جەكەشەلٸك ەرٸپتەستٸك جوبالارىن ٸسكە اسىرۋ بويىنشا كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ۆيتسە-پرەمەر ەكونوميكا مەن سالانى دامىتۋ ٷشٸن تەك بيۋدجەتتٸك ينۆەستيتسييالاردى تارتىپ قويماي, جەكە ينۆەستيتسييالاردى جۇمىلدىرۋ قاجەت بولعاندىقتان ەل باسشىلىعى مەملەكەتتٸك-جەكەشەلٸك ەرٸپتەستٸكتٸ دامىتۋعا ەرەكشە كٶڭٸل بٶلٸپ وتىرعانىن اتاپ ٶتتٸ.
«2016-2019 جىلدارى ەكٸمدٸكتەر جالپى سوماسى 61 ملرد تەڭگەگە مجە جوبالارىن ٸسكە اسىرۋعا 140 شارت جاساستى. شىعىس قازاقستان وبلىسى جەنە الماتى قالاسىندا بٸردە-بٸر شارت جاسالماعان. سولتٷستٸك قازاقستان وبلىسىندا, ماڭعىستاۋ وبلىسىندا بٸر-بٸر جوبادان قول قويىلدى», — دەدٸ ول.
ب.ساپارباەۆ ونكولوگييالىق جەنە قان اينالىم جٷيەسٸ اۋرۋلارى قىزمەتتەرٸنٸڭ مەديتسينالىق جابدىقتارىن مجە بويىنشا ساتىپ الۋدا ٶڭٸرلەر ارتتا قالىپ قويعانىن ايتتى.
«پرەزيدەنت ق. توقاەۆ ٷكٸمەتتٸڭ كەڭەيتٸلگەن وتىرىسىندا دەنساۋلىق ساقتاۋ مەن بٸلٸم بەرۋ سالاسىندا مجە-نٸ ٸسكە اسىرۋ ناشار جٷرگٸزٸلٸپ جاتقانىن اتاپ ٶتكەن بولاتىن. بٸلٸم جەنە عىلىم مينيسترلٸگٸنٸڭ مجە مەسەلەلەرٸ بويىنشا ناقتى تٷسٸنٸگٸ, پايىمى جوق, جٷيەلٸ جۇمىس جولعا قويىلماعان. قازاقستاندىق مجە ورتالىعى مەن بعم جوبالارى بويىنشا دەرەكتەردٸڭ ەلەۋلٸ ايىرماشىلىعى بار», — دەدٸ ول.
سونىمەن, ۆيتسە-پرەمەردٸڭ ايتۋى بويىنشا كەيبٸر ٶڭٸرلەر مجە-نٸڭ كٸشٸ تٷرلەرٸ بويىنشا بەلگٸلەنگەن تالاپتارعا سەيكەس كەلمەيتٸن جوبالاردى بەرەدٸ. اتىراۋ, جامبىل جەنە باتىس قازاقستان وبلىستارىندا بٸلٸم بەرۋ جٷيەسٸنە ينۆەستورلاردىڭ قاراجاتى تارتىلماعان. اقتٶبە, الماتى, قوستاناي, سولتٷستٸك قازاقستان, قىزىلوردا وبلىستارى مەن نۇر-سۇلتان قالاسىندا بەس ەلەۋمەتتٸك باستامانىڭ شەڭبەرٸندە جاتاقحانالاردىڭ قۇرىلىسى سوزىلۋدا.
اعىمداعى جاعداي مەن قابىلدانىپ جاتقان شارالار تۋرالى دەنساۋلىق ساقتاۋ ۆيتسە-مينيسترٸ كامالجان نادىروۆ, بٸلٸم جەنە عىلىم ۆيتسە-مينيسترٸ بيبٸگٷل اسىلوۆا, ۇلتتىق ەكونوميكا ۆيتسە-مينيسترٸ جاسۇلان مەديەۆ, شىعىس قازاقستان, اقتٶبە وبلىستارى مەن شىمكەنت قالاسى ەكٸمدەرٸنٸڭ ورىنباسارلارى بايانداپ بەردٸ.
كەڭەستٸ قورىتىندىلاي وتىرىپ, بەردٸبەك ساپارباەۆ بٸرقاتار ناقتى تاپسىرمالار بەردٸ. اتاپ ايتقاندا, دەنساۋلىق ساقتاۋ, بٸلٸم جەنە عىلىم مينيسترلٸكتەرٸنە ۇلتتىق ەكونوميكا مينيسترلٸگٸمەن, ەكٸمدٸكتەرمەن بٸرلەسٸپ, ولاردىڭ ناقتى تٸزبەسٸمەن جەنە اي سايىنعى ٸسكە اسىرۋ مەرزٸمدەرٸمەن مجە-نٸڭ جوسپارلانىپ وتىرعان جوبالارىنىڭ كەستەسٸن قالىپتاستىرۋدى, ونلاين رەجيمدە باقىلاۋدى تاپسىردى.
«بٷگٸن مينيسترلٸكتەر ەسٸرەسە, جەرگٸلٸكتٸ جەردە ٸسكە اسىرىلاتىن مجە جوبالارىنىڭ بيۋدجەتتٸك تيٸمدٸلٸگٸن تالدامايدى. بٸز «ساننان - ساپاعا« ٶتۋٸمٸز كەرەك. مەملەكەت ٶز بەتٸنشە پايدا تابا الاتىن جوبالاردى باسىمدىق ەتۋٸ تيٸس», — دەپ ناقتىلادى ب. ساپارباەۆ.
سونىمەن بٸرگە قاراجاتتى پايدالانۋ جەنە قۇرىلىستاردىڭ ٷلگٸلٸك جوبالارىن پايدالانۋ تيٸمدٸلٸگٸنە باسا نازار اۋداردى.
ودان باسقا, كەڭەستە ەلەۋمەتتٸك سالاداعى وبەكتٸلەردٸ جەكەشەلەندٸرۋ, ولاردى سەنٸمگەرلٸك باسقارۋعا بەرۋ جەنە بايقاۋ كەڭەستەرٸن قۇرۋ مەسەلەلەرٸ قارالدى.
