قازاقستان بٸلٸم جەنە عىلىم مينيسترٸنٸڭ كەڭەسشٸسٸ ەربولات مۇحامەدجان شىمكەنتتە تابىلعان ەسٸرتكٸ پريتونىنا قاتىستى مەلٸمدەمە جاسادى, دەپ حابارلايدى "ۇلت اقپارات".
"قازاقستاننىڭ بٸرنەشە بۇقارالىق اقپارات قۇرالىندا شىمكەنت قالاسى ۋنيۆەرسيتەتتەرٸنٸڭ بٸرٸنٸڭ سپورت كەشەنٸندە جەدەل ٸس-شارالار جٷرگٸزۋ كەزٸندە ەسٸرتكٸ پريتونى تابىلعانى تۋرالى جاڭالىق جارىق كٶردٸ. اتالعان فاكتٸ بويىنشا ول جەكەمەنشٸك وقۋ ورنى ەكەنٸن حابارلايمىز. جوعارعى وقۋ ورنىنا مەملەكەتتٸك بٸلٸم بەرۋ تاپسىرىسى بەرٸلمەگەن", - دەپ اتاپ ٶتتٸ مينيستردٸڭ كەڭەسشٸسٸ.
مۇحامەدجاننىڭ ايتۋىنشا, بولعان جايتتىڭ مەن-جايىن انىقتاۋعا باعىتتالعان قاجەتتٸ جەدەل-تەرگەۋ شارالارى جٷرگٸزٸلٸپ جاتىر.
"قىلمىستىق كودەكستٸڭ "ەسٸرتكٸ, پسيحوتروپتىق زاتتاردى, ولاردىڭ انالوگتارىن تۇتىنۋعا ارنالعان پريتون ۇيىمداستىرۋ نەمەسە ۇستاۋ, سونداي-اق وسى ماقساتتا ورىن-جاي بەرۋ" بابى بويىنشا الدىن الا تەرگەۋ جٷرگٸزٸلۋدە", - دەپ اتاپ ٶتتٸ مينيستردٸڭ كەڭەسشٸسٸ.
قىلمىستىق كودەكستٸڭ بۇل 302-بابى بويىنشا 3 جىلدان 12 جىلعا دەيٸن باس بوستاندىعىنان ايىرۋ جازاسى قاراستىرىلعان.
ايتا كەتەيٸك, 19 شٸلدەدە "حابار 24" مەملەكەتتٸك تەلەارناسى شىمكەنت ۋنيۆەرسيتەتتەرٸنٸڭ بٸرٸنٸڭ سپورت زالىنان پوليتسييا قىزمەتكەرلەرٸ ەسٸرتكٸ پريتونىن تاپقانىن حابارلادى. جۇمىس ورنىندا وقۋ ورنىنىڭ قىزمەتكەرٸ ماريحۋانا ساتقان.
