قر بٸلٸم جەنە عىلىم مينيسترلٸگٸ حالىقارالىق ينتەرنەتسٸز كٷنٸنە وراي «مەن OFFLINE» رەسپۋبليكالىق كەڭ اۋقىمدى بالالار اكتسيياسىن ٶتكٸزەدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
«بٷگٸنگٸ تاڭدا بالالاردىڭ سمارتفوننان نەمەسە پلانشەتتەن الشاقتاۋىنا كەلٸسٸم بەرمەۋٸ ەر اتا-اناعا تانىس جاعداي. «تاعى دا 5 مينۋت, سوسىن بولدى», «مەن جاڭا عانا الدىم عوي» سيياقتى سٶزدەر كٷندەلٸكتٸ قالىپتى قۇبىلىسقا اينالدى. دٷنيەجٷزٸلٸك ستاتيستيكا بويىنشا, حالىقتىڭ شامامەن 50 پايىزى قانداي دا بٸر ەلەۋمەتتٸك جەلٸدە, ال كەيبٸرەۋلەرٸ تٸپتٸ بٸردەن بارلىق ەلەۋمەتتٸك جەلٸلەرگە تٸركەلگەن», - دەلٸنگەن مينيسترلٸكتٸڭ باسپاسٶز حابارلاماسىندا.
ينتەرنەتكە تەۋەلدٸلٸكتٸڭ الدىن الۋ, كەمەلەتكە تولماعانداردىڭ ينتەرنەتتەگٸ بەلسەندٸلٸگٸن باقىلاۋ, ەرەسەك ينتەرنەت-قىزمەتتەردٸ پايدالانۋشىلاردىڭ جاۋاپكەرشٸلٸگٸن, ينتەرنەت پايدالانۋ مەدەنيەتٸن ارتتىرۋ ماقساتىندا قازاقستان رەسپۋبليكاسى بٸلٸم جەنە عىلىم مينيسترلٸگٸ 2019 جىلعى 27 قاڭتار - حالىقارالىق ينتەرنەتسٸز كٷنٸنە وراي «مەن OFFLINE» رەسپۋبليكالىق كەڭ اۋقىمدى بالالار اكتسيياسىن ٶتكٸزەدٸ.
«اتالعان ٸس-شارا وقۋشىلاردى سمارتفوننان, كومپيۋتەردەن جەنە جاھاندىق جەلٸدەن الشاقتاتۋ, بۇل كٷندٸ تەك قانا شىنايى ەلەمدە ٶمٸر سٷرۋگە, جاقىن ادامدارمەن قارىم-قاتىناس جاساۋعا نەمەسە ونى سٷيٸكتٸ حوببيٸنە ارناۋعا كٶمەكتەسەدٸ», - دەپ حابارلايدى مينيسترلٸكتەن.
اكتسييامەن رەسپۋبليكاداعى بارلىق 1-11 سىنىپ وقۋشىلارىن قامتۋ جوسپارلانىپ وتىر. وبلىستاردىڭ, استانا, الماتى جەنە شىمكەنت قالالارىنىڭ بٸلٸم باسقارمالارى 1-4 سىنىپتارعا ارنالعان «ينتەرنەتسٸز كٷندٸ قالاي ٶتكٸزدٸم» اتتى سۋرەت بايقاۋىن, 5-11 سىنىپ وقۋشىلارىنا ارنالعان «مەن OFFLINE» ەسسە بايقاۋىن ۇيىمداستىرادى. جۇمىستار قازاقستان رەسپۋبليكاسى بٸلٸم جەنە عىلىم مينيسترلٸگٸ بالالاردىڭ قۇقىقتارىن قورعاۋ كوميتەتٸنٸڭ Facebook-تەگٸ رەسمي پاراقشاسىندا جارييالانادى.
