بٸلٸم جەنە عىلىم مينيسترٸ اسحات ايماعامبەتوۆ جوعارى وقۋ ورىندارىنداعى ستۋدەنتتەردٸڭ شەكٸرتاقىسىن ارتتىرۋ شارالارى تۋرالى ايتىپ بەردٸ, دەپ حابارلايدى "ۇلت اقپارات".
«مەملەكەت باسشىسى شەكٸرتاقى مٶلشەرٸن ارتتىرۋدى تاپسىرعان ەدٸ. شەكٸرتاقى ٶستٸ. ستۋدەنتتەر تۋرالى ايتار بولساق, وسى جىلدان باستاپ ول 25 پايىزعا كٶتەرٸلدٸ. بولاشاق پەداگوگتار, ياعني پەداگوگيكالىق باعىتتا وقيتىن ستۋدەنتتەر تۋرالى ايتار بولساق, بٸر جىل بۇرىن عانا ولاردىڭ شەكٸرتاقىسى 21 مىڭ تەڭگە ەدٸ. وسى جىلدىڭ قىركٷيەگٸنەن باستاپ ولار 42 مىڭ تەڭگەدەن الا باستادى», - دەدٸ مينيستر وكق-دا ٶتكەن باسپاسٶز مەسليحاتىندا.
مينيستر ٶز سٶزٸندە بٸر جىل بۇرىن دوكتورانتۋرادا وقىعاندار 82 مىڭ تەڭگەدەن, ال وسى جىلدىڭ قىركٷيەگٸنەن باستاپ 150 مىڭ تەڭگەدەن الا باستاعانىن جەتكٸزدٸ.
