بٸلٸم جەنە عىلىم مينيسترٸ اسحات ايماعامبەتوۆ كٶپبالالى انالارعا كۆوتامەن گرانت بەرۋ باستاماسىن تٷسٸندٸردٸ, دەپ حابارلايدى Sputnik قازاقستان.
مينيستردٸڭ ايتۋىنشا, بٷگٸندە بٸلٸم بەرۋ گرانتتارى تاراتىلعاندا مٷگەدەكتەرگە, يا بولماسا, جەتٸم بالالارعا كۆوتا بەرٸلەدٸ. تۋرا سونداي كۆوتا كٶپبالالى انالارعا دا بٶلٸنەتٸن بولادى.
"مىسالى, كٶپبالالى انا وقۋعا تٷسەمٸن, گرانت الامىن دەسە, قۇجاتتارىن تاپسىرادى. سول ادامدارعا ارنالعان كۆوتا بولادى. كۆوتانىڭ ٸشٸندە ولار ورىندى جەڭٸلدٸكپەن الادى. بٸراق ونى الۋ ٷشٸن دە ۇلتتىق بٸرىڭعاي تەستٸلەۋدٸ تاپسىرۋ كەرەك. ول – بٸر. ەكٸنشٸدەن, شەكتٸ بالدى جيناۋ كەرەك. سوندا عانا كۆوتاعا تاپسىرۋعا بولادى. دەگەنمەن, كۆوتاعا تاپسىرعان ادامدار دا ٶزارا بەسەكەگە تٷسٸپ, گرانت ٷشٸن تالاسادى", - دەدٸ ايماعامبەتوۆ ٷكٸمەت كۋلۋارىندا.
ونىڭ ايتۋىنشا, ەزٸرشە ونداي كۆوتاعا ٷلكەن سۇرانىس جوق. بۇل دەگەنٸمٸز, وقۋعا تٷسەمٸن دەيتٸن كٶپبالالى انالار از. وسىعان بايلانىستى ەزٸرشە كۆوتانىڭ كٶلەمٸن 1 پروتسەنت دەڭگەيٸندە (بارلىق مەملەكەتتٸك تاپسىرىستىڭ ەسەبٸنەن) بەكٸتۋ قاراستىرىلىپ وتىر.
"ەندٸ, بٷگٸندە بۇل كۆوتاعا ٷلكەن سۇرانىس جوق. بٸراق كٶپبالالى انالارمەن كەزدەسكەندە وسىنداي ۇسىنىستار تٷسكەن. جالپى, قازٸر كٶپبالالى انالاردى جۇمىسقا تارتۋىمىز كەرەك, ولارعا بٸلٸم بەرۋٸمٸز كەرەك دەپ ايتىپ جاتىرمىز عوي. سوندىقتان وسى تۇرعىدا كٶپبالالى انالار وقيمىز دەسە, بٸز ونداي مٷمكٸندٸك بەرۋگە دايىنبىز", - دەپ اتاپ كٶرسەتتٸ ايماعامبەتوۆ.
ايتا كەتەيٸك, مەجٸلٸستە "پەداگوگ مەرتەبەسٸ تۋرالى" زاڭدى تانىستىرعاندا بٸلٸم مينيسترٸ حالىقتىڭ ەلەۋمەتتٸك وسال توپتارىنا ارنالعان كۆوتانىڭ بٶلٸنەتٸنٸن ايتقان. ونداي جەڭٸلدٸككە كٶپبالالى, تولىق ەمەس, مٷگەدەك بالا تەربيەلەپ وتىرعان وتباسىلار, "التىن القا" مەن "كٷمٸس القامەن" ماراپاتتالعان انالار يە بولادى.
قازٸرگٸ كەزدە بٸلٸم گرانتتارىن تاراتقاندا مٷگەدەكتەرگە, جەتٸم بالالارعا, سوعىس ارداگەرلەرٸنە تەڭەستٸرٸلگەن ازاماتتارعا جەنە ٶزگە ەلدەن كەلگەن قانداستارىمىزعا كۆوتا بەرٸلەدٸ. بيىل كٶپبالالى جەنە جاعدايى تٶمەن وتباسىلاردان شىققان بالالارعا دا قوسىمشا 5 000 گرانت بٶلٸنگەن بولاتىن.
